الجامحه والبدوي الفصل الثاني صفحه حكايات ميفو

الجامحه_والبدوي
حكايات_mevo
البارت الثاني..
كنا قد تركنا سهيله وقد اڼهارت ضحكا لتقف مره اخري ويتحول وجهها بلا ملامح وتقول بقوه.. هو مين اللي كريم لسهيله وسهيله لكريم.. هو مين كريم اصلا والا فين كريم. 
لتبهت فتحيه.. ايه يا سهيله كريم حبيبك. 
لتهتف بقوه.. دا كان. دا ماضي واندعك في الشقه وماټ عالسلم.. كريم ده تاخدوه ترموه في اقرب زباله بس يا ريت تنضفوه قبل مايروح الزباله الا الزباله تزعل.. اتجوز مين ده.. ليه حد قالك اني باخد كسر رجاله وزباله البشر.. حد قالك اني ارضي بقرفكو.. لتذهب الي كريم..وتنظر اليه لتهتف بصلي..

كان مطأطئ الرأس ليرفع وجهه لينصعق عندما رفعت يدها وصڤعته علي وجهه بقوه مذهله. ليبهت ويتراجع... لتهتف بقوه... انت فاجر ليه كده.. عايز تتجوزني دا انا اقټلك واقتل نفسي قبل ماكون ليك.
ليهتف عصام... اهدي يا حبيتي هو غلط وهيراضيكي. 
لتسخر منه.. غلط ليه كان داس علي فستاني ولا وقع عليا كوبايه شاي.. دا شرفك يا عمي يا كبير ترضاها لهاله والا عشان ابويا مېت هتلزقوني له وتلمو الليله.. بس لا انا زي مانا بس نضفت.. البيه العالي حبيته والحمد لله عمل عملته اللي شكل وشه وعرفني هو اد ايه واطي.. جايين تلمو الليله وعشان امي طيبه وغلبانه تجوزوني الواطي ده بدل ماتطردوه بره وتنضفو البيت منه منقوع النجاسه ده.. لتقترب من كريم.. تصدق انا حاسه اني كنت عاميه عمي السنين ازاي ماكنتش شايفه وساختك انت ازاي ۏسخ كده دانا قارفانه قرف يا اخي ايه ده.. دانا كنت في وحل وربنا نجاني.
لتستدير لتقف لجدها. اسمع يا جدي الواد ده خلاص لو ماټ وحفي وهو أصلا مېت ماهيقربش مني واه ليك تختار دلوقتي يا تقعد بناتك في البيت ومرات ابنك يا نمشي والواد ده يقعد. 
لتخبط فتحيه علي قلبها.. ايه عايزاه يطرده بره البيت انت اټجننتي. 
لتصرخ.. هو المفروض ېقتله مش يطرده اللي يعمل كده مالوش قعاد فيها انا بقول اهوه اختار يا جدي ولو اختارته ماهتشفناش العمر كله. 
لتسقط فتحيه ويضع عصام يده علي راسه والجميع في وجوم ليمر الوقت.
ليقف الجد ويذهب لسهيله وياخذها تحت ذراعه ويقول لعصام... شوف لابنك حته يترزي فيها بعيد عن هنا ويقعد لوحده دا حكمي عليه وماعادش يعتب البيت ولا له فيه. 
لتصرخ فتحيه.. لا والنبي يا حاج لا والنبي دابني البكري. 
لېصرخ الجد.... لو عايزاه حصليه لتصمت قهرا فالجد قوي وكلمته مسموعه ليمتثل عصام ويتحول البيت الي بيت اخر وتشيل النفوس ويتغير الكل فعصام اصبح مهموما وفتحيه مغلوله بشده واصبحت لا تطيق امينه ولا اولادها وبدات المشاكل تتفاقم وزالت الالفه بين النساء فلا يجتمعون الا ويحدث مشكله.. وتجنبت امينه العائله ومرضت وتعب قلبها اما سهيله فاصبحت فتاه اخري ماټت سهيله الحنونه الطيبه الطفله البريئه لتحل مكانها فتاه متوحشه تنهش قلب من امامها. تكره الرجال ولا تقربهم ولا يجرؤ رجل ان يقربها واذا حدث تجعله مسخه وعبره. تحولت سهيله وبدات تنحت ايامها وتجتهد في دراستها حتي تخرجت باعلي تقدير وكانت قد اتت لها منحه في احد الشركات الكبري لتعمل فيها بأجر جيد تساعد والدتها وهيا في دراستها وكل ذلك لاجتهادها فكانت نابغه وتاكل من امامها باجتهادها وشغلها لتتخرج لتتعين بمرتب مجزي مصممه جرافيك للاعلانات ونجحت في مجال الماركتينج واصبح لها اسم فشغهلها مميز وذو ثقل.. نست سهيله حياتها الشخصيه ونست الفتاه الحالمه التي كانت عليها وتبدلت لتصبح رجلا في تصرفاتها انثي في ملامحها كانت اتشحت بالوقار