روايه بقلم نانسي اشرف

من غير تعبير ورجعت بصيت لجمال المرشدي أبوها
_ آسف يا فندم بس انا لازم أقوم
_ كدا ! دا احنا لسه حتي محليناش
_ معلش ورايا شغل مهم لازم يخلص
استأذنت وركبت عربيتي وأنا في بالي جملة واحدة
انت شغلك انك تجيبلي حقي لانك المفروض ضهر الغلابة مش ساند المسنودين 
_ طلعلي البنت بتاعت الصبح من الحجز
دخلت بنفس الطقم الكلاسيكي الي كل الناس بصتلي بسببه بريبة وشك قعدت عالمكتب واستنيتها تطلع

وظهرت
لبسها متقطع وشكلها متبهدل عنيها شاردة
وشعرها هايش حواليها والدم
بصيتلها بزهول من تحت لفوق
_ اطلع انت يا مجدي
قومت قربت منها ووقفت قصادها
_ ايه الي 
وقبل ما اكمل جملتي كانت فقدت توزانها وقبل ما تقع عالأرض شيلتها وحطيتها عالكنبة
_ مجدي هات قطن والحجات لوازم الچروح
بصيتلها وجريت فتحت الدرج وطلعت البيرفيوم بتاعي شمته ففاقت
_ انت !
حاولت تبعد بس الألم خلاها ترجع
_ اهدي خليني انضفلك الچرح
_ متلمسنيش
_ مټخافيش انا هنضفه وأقوم على طول
مجدي ظهر بالعلبة وقعدت قصادها نضفتلها چروح وشها وهي بتحاول تداري جسمها من الهدوم الي اتقطعت
_ انا هبعت أجبلك لبس بدل الي اتقطع دا
_ انا مش عايزة حاجة منك
بعدت ايدي فالقطنة اترمت بعيد
_ اتفضل رجعني عالحجز حالا
وطيت وخدت القطنة ورجعت أنضف مكان الچرح تاني
_ مقاسك large مش كدا 
كتمت غيظها وبصيت انا في عنيها
_ انا مكنتش أعرف ان دا هيحصل
ضحكت بسخرية
_ شكلك جديد في المجال
خلصت تنضيف وبعدت عنها فضلت اتأمل وشها وشكلها وانا عيني كلها أسف عايز اعتذرلها وهي مش مدياني فرصة فبرجع اسكت
_ وبعدين ايه موقفي هتلفقلي اي تهمة من التهم المركونة عندك وتشيلني الليلة و لا هترميني في الحجز لحد ما يبانلي صاحب
_ احنا مش وحشين أوي كدا
ابتسمت بسخرية
_ اه واضح
تجاهلتها
_ انا ممكن اوصلك مكان ما تحبي بس الاول خليني اجبلك حاجة تلبسيها بدل الي اتبهدل دا
سكتت فمسكت الجاكيت بتاعي وحطيته عليها بصتلي بعدم فهم
_ عشان وانتي خارجة محدش يشوفك
وطلعنا ركبت العربية ونزلنا اخترتلها فستان كلاسيك مش عارف ليه وقتها اتعمدت اجيبه نفس لون الطقم الي كنت لابسه و لبسته وطلعتلي كنت ساند عند البروڤا مستنيها تخرج
خرجت وابتسمت بلطف و دارت ابتسامتها اما شافت ابتسامتى المنبهرة بيها
كانت جميلة رغم بساطة شكلها وهدوء ملامحها كانت ملفتة زي ما هي بطبيعتها
_ حلو 
_ انا مشوفتش في حياتي حاجة أحلى من كدا
_ بس مفتوح
_ اه مهو عشان كدا حلو
بصتلي بزهول فتنحنحت
_ احم قصدي قصدي كل الي في المحل دا هاي كلاس و 
_ وقليل الادب قولها
_ دي مش قلة أدب دي فاشون
قربت مني وقفت قصادي وعينها في عيني
_ أنت بتقول ايه ايه علاقة الموضة بالعري 
_ مفيش علاقة أنا 
_ انت فاهم غلط في فرق بين راجل اوبن مايند وراجل مركب أرايل
قربت منها فدخلنا انا وهي البروڤا
_ عارفة لو حد كان اتخطى كلامه كدا معايا عارفة يا رحمة كنت هعمل فيه ايه 
_ انت الي زيك يطلع منه اي حاجة فمش هندهش
بلعت ريقي پغضب مكتوم واتحركت مدت اديها واختارت فستان تاني متقفل من كل حته و اختارته نفس اللون
_ هاخد دا
وشها احمر وبعدت نظرتها عني وانا ببصلها بنفس الانبهار بتاع الفستان الي فات الټفت للبنت الي واقفة جمبها
_ هناخده
ابتسمت ودعيتلنا بحياة سعيدة انا وهي وركبت جمبي في العربية
وهي لابسه نفس الفستان عدلت المراية وفضلت طول الطريق معلق عيني عليها لحد ما وصلنا للعنوان بتاعها
_ ايوه هنا
كانت هتفتح الباب لكن مسكتها من اديها
_ ممكن اعتذرلك على الي حصل 
سحبت اديها
_ رجعلي العربية الي اتكسرت