بنوتتنا

بسم الله الرحمن الرحيم
لا اله الا انت سبحانك اني كنت من الظالمين
ماشيه بنوتتنا الجميله عاليه بفستانها الزهري الجميل اللي هياكل منها حته وهي راحه لدرس الفيزياء ومركزه في الطريق بكل انسجام واثناء ما هي ماشيه فجاه واحد ماشي سريع بعربيته في مكان متجمع فيه ميه راح مطرطش الفستان بتاعها وبهدله جامد 
حطت ايدها على بقها وقالت بغضبه بصوت عالي وصل لمسامع اللي راكب العربيه وهي بتقول 

_تصدق ان انت انسان وقح وقليل الذوق
يا ربي اعمل ايه دلوقتي واروح الدرس ازاي بفستاني اللي اتبهدل وبقى عامل زي خريطه مصر 
وقعدت تدبدب في الأرض على اللي حصل لفستانها الجميل وبهدله خالص ومش هتقدر تروح الدرس بمنظرها ده .
اما هو وصل لمسامعه كلمتها اللي هي قالتها واشتمتها ليه فرجع بالعربيه لورا ونزل منها علشان يشوف مين اللي شتمته دي في اول ما نزل كانت هي موطيه راسها ومش واخد باله من وشها فقال لها پغضب 
_ممكن اعرف بټشتمي مين يا انسه وتقولي وقح وقليل الذوق 
انتي باينك اټجننتي في دماغك انت ما تعرفيش انت بتتكلمي مع مين وبتشتمي مين ده انتي لعبتي في عداد عمرك .
رفعت عيونها الواسعين اللي بلون السما وقالت له وهي بتجز على اسنانها پغضب 
_ده انا اللي اټجننت يا قليل الذوق يا اللي ما عندكش ډم بقى تبهدل لي فستاني وتخليني ما اروحش الدرس ولا اعرف ارجع البيت ومنظري يقرف وفي الاخر تقول لي بلعب في عداد عمري ليه ان شاء الله كنت مين انت علشان تقول لي الكلمتين دول 
اول ما رفعت عيونها ولعيون اتقبلت اڼصدم ياسين من البراءه اللي في وشها والعيون المهلكه اللي اسرته في لحظه وقال لها بوقاحه وهو بيغمز لها 
_اللهم صل عليك يا نبي العيون اللي تشبه الغزلان والقوام اللي يهلك ده من شبر واقطع زيك 
لا بجد مهره حلوه وعجبتيني وډخلتي دماغي .
بصيت له پغضب وردت على وقاحته وقالت له بغيظ من اسلوبه وطريقته 
_يعني غلطان وبهدلت لي فستاني وبتعاكس كمان ده انت مش وقح بس ده انت بجح كمان .
غمز لها بعيونه وقال لها وهو بيكمل غزل وفيها 
_هو اللي يشوف العيون الحلوين دول ويكلم اللسان الطويل ده ما يبقاش بجح وما يعاكسش ده تبقى عيبه في حق ياسين الباشا يا باشا .
ازادادت غيظ من كلامه وردت عليه وقالت له 
_تصدق ان انت بارد وما عندكش ډم وما بتحسش يا بني ادم بهدلتني فستاني وانا ورايا درس مهم وانت ولا في دماغك وواقف تعاكس كمان وتتغزل اياك ما تحترمش نفسك ونا أفرج عليك امة لا اله الا الله وانا مجنونه واعملها .
ضحك بصوت عالي على مشاغبتها وربع ايده على صدره وقال لها بمشاكسه 
_طيب انا ذنبي ايه في قلبي اللي طب وقع ولا حدش سمع عليه لما شاف جمالك وطلتك اللي خطفته بذمتك مش انا المجني عليا دلوقتي مش انتي صح ولا انا غلطان .
برقت عينيها من بروده واستفزازه ليها وردوا عليها وقالت له وهي بتتريق عليه 
_المجني عليه وانت واقف زي القرد اهو قدامي ولا جرى لك اي حاجه وانا اللي شكلي بقى مش لطيف خالص منك لله .
رد عليها ياسين بجديه وقال لها وهو زعلان عليها وحاسس بالندم كانها بنت الصغيرة
_معلش حقك عليا تعالي معايا وننزل افخم محل فيك يا مصر واشتري لك اجمل فستان يليق بالاميره اللي واقفه