الخطبه

_ صورة اي الي عوزاها  
الخاطبة عوزاها تشوفلك عريس
_ خاطبة أي وعريس أي! انتي بجد عوزاني اتجوز بالطريقة دي يماما دا رخص!!
والله يحبيبتي هي دي الطريقه الموجودة فضلتي باصه لفوق لحد ما وقعتي علي جدور رقبتك 
_ كفايه يماما كفايه!
لا مش كفاية انتي من حارة عارفه يعني اي يعني عمر ما كان الي ساكن في المعادي هيبصلك انتي الي وهمتي نفسك وقولتي قال اي بيحبني اهو خطب قريبته الي من توبه لكن احنا مينفعش نتجوز منهم فوقي بقي!

طلعت من اوضتي ومن الشقه كلها روحت قعدت علي البحر أمتي هبطل اجي هنا ساعات بحس إن جزء من البحر دا دموعي الي مش عارفه تقف 
بټعيطي ليييي
بصيت جمبي لقيت شاب قاعد شكله قاعد من فترة مسحت دموعي بسرعة _ انت عاوز اييي
جنيه 
بصيتله ب استغراب طلعت من شنطتي عشرة ج 
لا أنا عاوز ج 
_ اجيبلك جنيه منين دلوقتي والله خدها وسيبني في حالي 
ماشي ربنا يجبر بخاطرك 
خدها ومشي هو دا لو شحات ابقي أنا اي دا انا الي شحاته دا لابس براند!! 
رجع تاني ممعكيش جنيه بجد ولا اي الدنيا 
_ يعني ألطم علي وشي يجدعان هو البلد دي محدش عارف يعيط فيها حتي!
طب انتي بټعيطي لييي
_ هو انت فيه اي يجدع انت 
اشتري مني قرصتين طيب 
بصيت علي العربيه الي كانت وراه ورجعت بصيتله 
_ استغفر الله العظيم يا رب طب هات اتنين 
اتفضلي 
_ بكام 
مية 
_ امسكهم تاني انت لو ممشيتش من قدامي بقي هلم عليك الكورنيش كله 
هو عشان أنا غلبان تعملي فيا كد
_ غلبان اييي يسطا انت لابس ساعة بتمن كليتي!
شكليات والله علي فكرة أنا الي عامل القرص دييي 
دوقت واحدة _ تسلم ايدك 
قعد جمبي ممكن تحكيلي مالك علي فكرة وبعد كد احدفيني في البحر أنا بتلكك اصلا 
ضحكت _ عاوزين يجوزوني 
يبخته
لا لا خلاص كملي 
_ أنا كنت بحب واحد هو كمان كان بيحبني كنا هنتجوز بس أهله مرضوش يتجوز واحدة أقل من مستواه ف خطب قريبته يمكن كان ڠصب عنه
تسمحيلي اقولك مفيش راجل بيحب واحدة بجد مش هيحاول عشانها عشان بس يبقي معاها 
_ بس هو حاول! قالهم أنه بيحبني وأنه عاوز يتجوزني 
حاول مرة واي يعني يحاول ألف بتهيقلي تستاهلي إن الواحد الي انتي بتحبيه يحاول عشانك اكتر من مجرد مرة! مش كد
عقلي بدأ يشتغل قلبي ركنته وبدأت اسأل نفسي هو لي فعلا محاولش تاني لي ل مجرد رفض أهله ليا متمسكش بيا وقالهم اني مش متجوز غيرها لي خطب واحدة مناسبة في كل حاجة غير حبيبته 
_ كلامك صح!
عارف أنه صعب لكن مع الوقت هتعرفي إن دا خير الي زي ما كان ممكن يبيعك في أي وقت