الوجه الاخر للحلال صفحة حكايات ميفو

فاكره اني ماعرفش اطحنك طحن يبقي تفوجي اني ممكن بسهوله اسمك والا اجتلك لتضغط علي رقبه  زينه لتشهق لتكمل يبقي تعجلي اكده يا بت الناس  ما توجفيش في طريجي انا طريجي خړاب واللي يخشه  يندعس بالرجلين فاهمه لتشهق زينه.
لتصرخ عطر فاهمه لتهز زينه راسها بقوه لتبتعد عطر وتمسك زينه رقبتها.
لتبتسم لها وتهتف ايوه اكده نعجل ونبعد اللي مش في يدك وفي يد غيرك تبعدي عنيه فاهمه الا تلاجي نفسك محدوفه من علي سلم والا من شباك واهه يبقي جضا ربنا نفذ لمي نفسك اخرتك كفن وعطور هتلبسهولك بيدها لتنظر  اليها زينه مرتعبه لتنصرف وتظل عطر واقفه تضحك عليها.
لتدخل زينه وعلي ساره لتصرخ شوفتي بنت الكلاب كانت هتخنجني منها لله. 
لتهتف ساره.. برضك برضك يا زينه يا بنتي بقه انت ايه بطلي تخربي عليهم واعجلي. 
لتستدير اليها زينه بغل.. بقي اكده اني بخرب.. طب يا ساره واني اللي جولت هعرف واسكت عشانك بس لاه طالما وجفتي مع المحروجه دي بلا اخرب بلا اهبب روحي ياختي شوفي اللي جوزك  عرفها وبقي ليها
لتبهت ساره وتهتف بتجولي ايه يا مخبوله انت.
لتهتف.. اجول اللي عرفنته راجلك الحبيب اللي عامل عاشج خطب واحده في المركز ومرت خالد اللي جبتهاله بتشتغل معاها في المدرسه واه جبتلك العنوان وخدته وعملت حساب اليوم ده هبقي ابعتهولك.. عشان تبقي خړاب بخړاب وتركتها ورحلت.
وساره تقف مشلوله.. يحي خطب يحي هيتجوز عليا يحي بتاعي اني خطب.. لاه كدابه لاه لاه جلبي هيجف حاسه اني ھموت ايوه هو متغير وحاسه بيه. هوه فيه حاجه بس مش اكده يكون لغيري يحي يعمل فيا اكده اني اه يا جلبك يا ساره لاه ما مصدجاش لاه مايعملش اكده اني متوكده دا عايزه تخرب عليا طب اعمل ايه اتوكد ازاي ھموت فيها . لتصعد الي حجرتها وټنهار بعيدا عن الكل
عند ايوب كان قد اتفق علي العمليه الكبري وانتهي من التسليم والتسلم من اصحاب المقبره وحصل علي اتفاق مرضي له ليحصل علي البضاعه ويذهب بها الي احد المخازن  ليخفي البضاعه ويتصل بعملائه في القاهره ليتفق علي مكان التسليم والتسلم ليتفقا علي مكان  معين بالقرب من البلد ولكن خارج حدود المحافظه ليستتب الامر للاخرين فما عليه الا ان يوصل البضاعه وهكذا تكون العمليه قد انتهت.
ليعود الي البيت متاخرا ليذهب الي ابيه ويخبره بما نوي.
ليهتف طاهر... والله وحاطط يدي علي جلبي يا ولدي هتعملها ازاي دي طيب.
ليهتف... سيبها لله اني مش جليل ومربط مع حد من الحكومه وهنعديها بطريجتنا. 
ليهتف ابيه.. يا ولدي لو اتجفشت فيها عمرك كله يا ولدي ارجع عن اللي في دماغك
ليهتف.. اسمع يا ابوي اني مش  هرجع وريح روحك ومش كل اما احكيلك تجولي اكده اني بجولك عشان تعرف مالي و حالي فين.
ليهتف طاهر... اجول ايه ربنا يهديك ويهديلك حالك ماعرفش ناجصك ايه انت ماسك الدنيا بحالها هتكوش عالكون يا ولدي ماحدش بياخد كل حاجه
ليتنهدايوب.. ماهياش فلوس يا ابوي هيا محبه اني بحبها. 
ليهتف طاهر.. جادر ربنا يكرهك فيها لاجل خاطرنا.
لتدخل امه... لتهتف ايه يا ولدي مش هنروح فرح بت عمتك نجوان. 
ليهتف... حاضر يا اماي هجهز حالي واجول لعطر ونروح كلياتنا اهه
لتهتف... لاه روح انت دلوك اجف مع الرجاله واني هجيبها واجي. انت اتوخرت مايصحش ماتجفش مع عمك. دراج و يحي راحو من بدري وانت الكبير تتوخر لاه يا ولدي هم يلا.
ليهتف طب يا اماي هغير بس ليصعد ويدخل ليجد