حجرتها
لحقها و شدها راحه فين كده من غير اذني
نظرت اليه غاضبه وتشد يدها انت يابني حد حدفك عليا اتاجرت تحرقلي دمي
ابتسم و هتف تصدقي مبسوط وانا شايفك غضبانه كده غضبك بيطري علي قلبي بيغسلني من جوا
هتفت طب وسع بقه عشان ماتغباش عليك عالصبح عايزه اروح شغلي
قرصها من خدها لسانك هجذهولك بس ماشي شغل ايه بقه
هتفت شغلي في المستشفي ايه ماتعرفش
هتفت لا ماعتش خلاص حرم اركان ماهتشتغلش في مستشفيات
نظرت اليه بزهق والنبي بلا اركان بلا اعمده اوعي بقه
هتف داحنا حلوين وبنتريق اهه اسمعي قولت مفيش يبقي تسمعي الكلام
هتفت ساخطه يا عم انت شغل لازم اخلصه واخد مستحقاتي
هتف بتعالي هديكي اللي عايزاه
نظرت اليه غاضبه هو انا بشحت منك دا شغلي وتعبي طول الشهر
هتف غاضبا قولتلك سيبي الشغل عايزاه ليه
هتفت ساخطه عشان لما اتزفت اطلق منك الاقي حاجه اشتغل فيها
ابتلع ريقه ونظر اليها قاطبا وهتف هو انت لما تطلقي هترجعي المستشفي بعد العز اللي هتشفيه هترجعي تخدمي في المستشفيات تاني وكمان هتلهفيلك قرشين تستتك العمر كله
اغمضت عينها بۏجع لتقترب منه وتنظر الي عيونه ليرجف قلبت هتفت بص بقه عشان بجد انا تعبت اخر يوم مااطلق منك هكون نفدت بروحي من دنيا مش ليا يابن الناس انا دخلت دنيتكو عشان اتظلمت من اقرب الناس ليا وجه عليا وبحتسب كل عمله عملها وفوضت امري لله وده اللي حوجني لواحد زيك يقف يتجبر ويذل فيا بس ماسه الفضالي انت مش واخدها من بيت ذل انت واخدها من بيت عز انا شفت عز في بيت ابويا شبعني العمر كله مش معني اني ماعيش فلوس ابقي جعانه وابص للقمتك عارف لو لقمتك شهد ماهبصلهاش يابن السيوفي انت فاكر الدنيا فلوس وبس بجد صعبان عليا تعيش كده بس دي دنيتك عشها براحتك انا مالي عمري ما هخشها وعهد عليا يوم ما اطلق لا اخد منك قرش ولا احط في جيبي جنيه عهد عليا لاخرج زي ما دخلت لا محتجاك ولا عايزاك من اساسه جاي تقولي هلهف فلوس اناا كان معايا فلوس عملت بيها ايه البني ادم اللي حبيته وامنتله غرز غرزته وخدها عمل كل ده عشان الفلوس حتي انتو كل القرف ده عشان الفلوس بتاكلو في بعض عشان الفلوس كل واحد عاين للتاني سکين يغرزها في التاني عشان الفلوس تعملو اي حاجه ومش واخدين بالكو ان فيه عيشه تانيه عيشه فيها حب وامان عارف لو الامان قدام ان اتجوزك ماكتش عملتها للاسف بس عشان اخد اسمك عشان مايجيش واحد زيك برضه ماللي زيك كتير يهين ويمزع ولا يهمه قلب اللي قدامه پينزف اد ايه فلوس الدنيا اختار الامان حدالله مابيني ومابين فلوسك وعزك يابن الناس انا مش شحاته ولا جربوعه انا هانم وهفضل هانم حتي لو الزمن جرا عليا وواحد زيك واقف يقولها هتشوفي عز لتدفعه وتذهب وتتركه كانها رمته بجردل ثلج تجمد من كلامها كيف اهانته وتنصلت من تلك الزيجه وكيف تنظر اليه
شعر پغضب و عنفوان شديد بقي انا يتقلي كده ماشي يا ماسه هانم هنشوف
مر الوقت وذهبت هيا الي المشفي تقدم استقالتها وتاخذ مستحقاتها لتعود الي البيت وتذهب الي صاحبه البيت وتخبرها انها ستترك البيت وانها تزوجت فرحت السيده فماسه طيبه وعشرتها طيبه و تنهي مستحقاتها وتعطي السيده المفتاح وتعود لتجدهم قد استعدو ينتظرونها دخلت لتنصدم وتقترب من الفراش لتجد فستانا لها موضوعا علي السرير
