غنوه الداغر لميفو السلطان 21

اداني الشړ ومشيت ورا الشړ وانا مغيب واهبل.. ممكن ماكتش واعي اوي بشرها ماعرفش بس خدت جزاتي بعدك ورميك ليا ونظرات القرف اللي كت بشوفها كانت بتقطع فيا بس ماكتش بزعل منها والله ما كت بزعل لاني بستحقها ولو قدري عمرك كله زعلانه ماكتش هنطق لاني واعي للي عملته.. انا وعيت اني حبيتك وعشقتك بعد اللي حصل وعيت اصلا يعني ايه حب بجد. عشان ابقي راجلك لازم الاول ابقي راجل وانا ماكتش راجل. الراجل ما يتجبرش ولا يقسي ولا يجرح الراجل يسكت ويحفظ لسانه ربنا بيقول الناس هتكب من السنتهم يوم القيامه وانا قلت كتير طلعت ارف حسسني اد ايه كت مؤرف.. عارفه لو ماكتيش بعدتي كنت هفضل مؤرف برضه لان بعدك رباني وعلمني ازاي ابقي راجل جدع. الجدع جدع لنفسه قبل مايبقي جدع لاهل بيته انا اللي خدته منك الحلو بعد ماديتك الۏحش بتاعي انا بقيت حد تاني يا غنوه بسببك والله بسببك وهفضل عمري كله شايل جميل تغيرك ليا.. كنت فاكر اني لما اعتذر يبقي المشكله خلصت مانا بحبك وانت بتحبيني بس لا انت بعدتي ففهمت عشان ترجعي لازم انا ارجع راجل واتغير الكل شايف اني راجل كويس وبعمل خير محترم بس  اللي عاشر عرف اني ماصنتش الامانه.. انت امانه ربنا ليا.. سيدنا النبي قال رفقا بالقوارير.. ولو کرهتوهم سرحوهم بالمعروف. ربنا اقسم بالكاظمين الغيظ والعافين عن الناس.. كان لازم اكتم ڠضبي واعفي واتيقن كان لازم حتي لمااغضب امسك لساني كان لازم اخرس وماهينش.. لتنزل دمعه من عينه ليهتف.. انا هينتك اوي وقلبي وجعني ازاي اعمل في اللي ربنا هيحاسبيني عليها كده ربنا هيحاسبني اني ماسيبتش بالمعروف ربنا هيقلي كان معاك نعمه عملت ايه لينظر اليها من بين دموعه.. انت بس اللي في ايدك رضا ربنا عليا في اللي عملته. ليمسك يدها لتحس بمشاعرها تنساب لتمد يدها وتمسح دموعه ليقبل يدها ويهمس انا اتولدت من اول وجديد اتولدت بسببك واحد تاني والله بقيت واحد تاني شوفي بتقولي مسمحاني وانا مش مسامح نفسي وعهد عليا لا يوم ارجع داغر القديم ولا هقبل ابدا اني ارجع حد بالشكل ده انت نعمه ربنا اللي غيرتني وبعترف اني كنت زباله راجل اهبل بيتاخد ويتجاب راجل ودني مابيتحققش ولا بيتاكد راجل مافهمش يعني ايه حب من اساسه ويعني ايه خلاف والاحترام في الخلاف وسعيد انك زبلتيني والله استحق الشخصيه دي لو كت كملت فيها كان هيبقي ماليش امان ههين تاني وتالت ماللي مابيترباش مابيتعلمش وانت حبك وقلبك بعدهم هو اللي علمني صح انا كنت بحبك بس ماكنتش فاهم الحب صح اه اقول بحب وخلاص انما الحب الصح ادي امان. ادي ضهر وسند ادي قلبي الف بيه قلبك واللي يقرب منه يمزع قلبي الاول.. لينظر اليها بحب وتسيل دموعه..سامحيني يا قلبي سامحيني والله والله وربنا شاهد عليا اني اتغيرت وطالب سماحك لخۏفي من ربنا الاول وحب وعشق ليكي.
لتنظر اليه بحب... سامحتك يا قلب غنوه دانت قلبي والله اه تعبت معاك بس انت رجعتلي نفسي وعملت عشاني كتير وصبرت عليا عشان كده حبيتك واتمنيت ابقي معاك
انا كده كتر خيري وعايز ادلع بقه دانا قلبي شقق والله تعبت وبقيت عامل زي العيل الصغير اللي نفسه امه تبصله.. انا تعبت وقلبي تعب من بعدك ومن تانيبي لنفسي.. نفسي حبيبي ياخدني في حضنه. 
لتضحك.... انا هدلعك دلع لما