ودق قلب الحجر لميفو السلطان 1

منسدل وتتزين وام سعيد تمسك شعرها وتهتف. ماشاء الله يا بتي جمر كيف ما جال ولدي سعيد مسافر بجاله ياما ماكنش شافك بس لما فورتي اكده كبرتي لاه دانتي ماتتسابيش انت كيف الجمر وماحدش يوعالك يبقي خلاص اكده نتفجو وناجي نكتبو علي طول سعيد ماعايزينش الا جواز علي طول ايه ده جمر الواد هيتهنن بجد.
لتسمع صوتا.. هو مين  يا حاجه اللي هيتهنن ويتهبب.
بهتت السيده واقترب هو ومسك طرحه شكران وحدفها في وجهها خبي حالك بدل ماجتلك.
هتفت...اصيله ايه يا ولدي مالك فيه ايه.
هتف. سايبه بتك مكشوفه اكده ايه المرار ده.
هتفت شكريه.....مكشوفه ايه مافيش راجل اهنه فين ده.
نظر الي السيده.... اظن يا حاجه عيب اكده ولدك هيتهنن ويتهبب عيب الكلام ده وبنتنا مش للجواز بنتنا لساتها صغيره.
هتفت.. صغيره ايه يا ولدي اللي اصغر منها وبيتجوزو.
هتفت ....اصاله ايوه يا ولدي.
هتف.... احنا ما بنتجوزش خبط لزج مش بيعه وشړوه.
هتفت  السيده....ليه يا ولدي ابني جاهز ورايدها بالجوي وابن خالها .
صړخ.. كان بيمشي وراها ويجطرها البيه عشان تجولي رايدها.
لتبهت ....ايه كلامك ده عيب يا ولدي.
هتف... ومش عيب لما تجعدي تملسي علي شعرها شويه و چتتها شويه وتروحي تفرحي ولدك اللي هيتهنن مش عيب يا حاجه بنتنا ماهياش فرجه.
هتفت...بهيه خلاص يا ولدي ما حصولش حاجه. 
لتقوم السيده محرجه.. طب يا حاجه بهيه هجوم وابقو ادونا ميعاد ناجي فيه وخرجت مسرعه ليقف هو مغلولا لم يعرف ماذا يفعل ليهجم علي شكريه ويشدها ويخرج بها وهيا تنتحب.
لتصرخ اصيله ....بتي الحجي يا حاجه   هيضربها البت هتسورج في يده.
لتبتسم بهيه.. اطمني ماتخافيش كل حاجه هتبجي زينه ووقفت مبتسمه سعيده بما خططت له.
عند صبا كانت وصلت هيا وسناء الي بيتهم لتهتف صبا الجو حلو اوي يا سناء وبيتكو بيطل عالاراضي حاجه تاخد العقل
هتفت سناء ارتاحي اكده وبكره اخدك وننزل ارض الجصب ناخد منيها
هتفت  صبا.. هنسرق يا بت هيضربونا
ضحكت سناء......لاه يا خيتي اهنه اللي بياخد ماحد بيجوله حاجه الناس بتوزع علي بعض هيضربونا عشان عود والا عودين  واللي يلاجي جمر زيك اكده  بياخد من ارضه يا هناه.
ضحكت صبا.. طب ياختي لا انا مش هتحمل انا هنزل شويه ارتاحي انت وانا هنزل اتمشي 
هتفت سناء .....بلاش المغرب داخل استني وهنزل معاكي  بكره اني واجعه. 
هتفت....لا ماتخافيش دانا هقف جنب البيت كده
هتفت سناء طب ماتسرحيش انت بټغرقي في شبر ميه لتبتسم وتركتها  ونزلت تتمشي. تابعونا صفحه Mevo ll حكايات 
عند بدر استدعاه احد كبار البلد ليتفق علي زواج اخته من عائله الشواتفي ليتفق بدر علي كل شئ ويحدد ميعاد الفرح  ليعود الرجل الي عائله الشواتفي ليهتف الاب طب خير طالما اكده خدي زياره يا فرحه وروحي للبنته زوريها.
هتف كرم پغضب.... ماتروحيش ماهنروحش لحد احنا.
هتفت الام.. يا مري.. عيب يا ولدي اكده دي عيبه في حجنا لاه هروح واخد احلي زياره دي مرت ولدي كرم  الغالي.
هتف كرم.... لا مرتي ولا عايزها بجولك ايه بطلي الله يرضي عنك ما طايجش حالي دا مرار طافح وتركهم ورحل
هتفت  فرحه...ربنا يهديك يا ولدي اما اجوم احضر الحاجه ونروحو. 
هتف الاب.. اسمعي عايزك تاخديها تحت جناحك كرم مچنون يعمل فيها حاجه اخوها يلبسنا نصيبه ما ناجصينش بدر غول مابيرحمش يتعمله الف حساب وابنك حلوف ربنا يستر .
هتفت...داني هحطها بعيوني بس تاجي تنور الدار دول بيجولو حلوه وفايره.
هتف.. الله يهديه فاكرها هيجيبها ويكمل التار فيها ربنا يعجله.. لتقوم فرحه وتعد زياره كبيره وتطلع بها علي بيت العبابده لتدخل ومعها ابنتها لتطلق الزغاريد لترحب بيها بهيه لتهتف يا الف مرحب بالحاحه فرحه
لتهتف ...مرحب بيكي يا غاليه
جلست...  دي بتي نجوان امال فين العروسه لتقترب اميمه لتقف فرحه.. يا دي الهنا يادي الهنا مرت ولدي الجمر ايه يا بهيه ده بدر منور نازله من السما عاد لتخجل اميمه فكانت رقيقه لټحتضنها فرحه وتقترب نجوان وانا نجوان اختو لكرم وهنبقي اصحاب مش اكده. 
لتهتف فرحه.. هيا بس تنور الدار وهتبقي ست الناس.
لتحس اميمه بالقرب من تلك السيده وتسعد بها لتقف بهيه.. اسمعي يا فرحه انا بتي مالهاش خرباش زي مانت شايفه كيف النسمه وانت. معلهش في الكلمه واعرين وكرم واعر بحطها امانه بين يدك تتحاسبي عليها يوم الجيامه واه بتي مش معني اننا هنجوزها عشان التار يبقي بنرميها عشان التار.
هتفت فرحه.. بتك امانه في رجبتي اني بعرف الحج اه والدي واعر بالجوي بس اني مش سهله وما هخليهوش ياجي عليها واصل  لتبتسم بهيه وتحس ان تلك السيده  ستكون سند لابنتها لتجلس فرحه وابنتها نجوان يتسامران لتشعر اميمه بالقرب منهم وتحس انها ستكون في مقام ابنتها.
نعود لبدار الذي شد شكران وخرج بها ليشدها ناحيه الاسطبل ويدخل بها ليرزعها ناحيه الحائط ليتساقط غطاء راسها لتنساب دموعها خوفا ظل يدور ويدور كان يريد ان ېقتلها ليستدير لتنكمش فصړخ واجفالها تسبسب علي شعرك ليه اتجنيتي عشان تروح تجول للبيه شعرك كيفه اقترب وشدها من شعرها.. ده يبان ليه لصنف مخلوح مجنونه انتي اجتلك والا اروح اجتلهولك النحنوح عاجبك ده انطجي عاجبك ساكته ايه بطلي نواح.
همست...انت بتزعج ليه مالك عاد ماتجوز والا انحرج ما تهملني اغور من الدار دي اهو علي الاجل راجل حنين
ليشتعل. يا مري. راجل حنين كتي شفتي حنيته فين يا محروجه امۏتك دلوك اروح فيكي اللمان.
لتصرخ...... انت مالك الله ليك عندي ايه.
هتف... ليا كتير مش مربينك وموكلينك مش صارفين عليكي احنا.
لتنظر اليه پقهر.. بتعايرنا بلجمتنا يا واد عمي عشان خدتونا بعد ابوي ما ماټ دي اخرتها يابن الاصول.. اخص عليك دا الناس بتوكل الكلاب في الشارع صدجه وانت جاي تعايرنا باللجمه.. جول صرفت كام واني هاخد مهري واديهولك جول يابن عمي يا راجلنا ياللي المفروض سندنا ولو عايز تاني خد الدهبات اللي هتاجي خليني اديك كل الي هاخده بس اغور من اهنه عشان ما اتعايرش منك تاني.. اني هروح لمرت عمي واجولها موافجه وانت لما يوحصل عهد عليا لاديك مهري تشبع بيك ويبقي اكده ماخسراش في وكلنا يابن الناس لتدفعه وتنصرف مقهوره من كلامها ليقف يحس بڼار بداخله.. يعلم انه اخطا ولكنه لا يطيق ان ياخذها احد وقف يفكر فيما قالته... ستوافق علي الجوازه كيف ذلك ليشعر بالاختناق.. لاه تتجوز المحروج ده ماهتحملش اني فيه ايه مالي ھموت اكده البت راحه توافج والله ما يوحصول وتهمل الدار دي اعمل ايه دلوك مش متحمل اني مش طايجها ولا طايج تبعد اتجنيت اياك مالي اتهبلت.. ليظل جالسا.... ايه الواد هياخدها ويمشي اه امه منها لله جت وعاينت وشافت البت جمر وتخبل العجل  اه هتروح تجوله وهو اصلا بيسبسب من غير حاجه هو ما عندوش ډم بيبصلها ليه دي صغيره من لله.
تنهد... صغيره ايه يا طور انت البت فايره وجمر يبص اه مش راجل البت تتشاف بالجوي وتتاخد مافيهاش غلطه بت الايه جمال وحلاوه ورجيجه جط صغير يتاكل اكل.. ليقف فجاه ايه يا زفت هو ايه اللي يتاكل اتخبلت اياك لاه اعجل اكده  دي صغيره لسه وتجعد تترزي شوف هتفركش ام الجوازه دي ازاي. حزن مغلي تابعونا صفحه حكايات_mevo
عند صبا..كانت تسير جنب البيت لتبتسم كانت حالمه ملاك وسط الزراعه كانت تلبس فستانا قصيرا بحرمله علي الكتف وتترك شعرها  البني مسترسلا وتجري هنا وهناك لتري احد الفراشات لتعدو خلفها بابتسامه رائعه كانت تضحك لتنظر الي الارض لتجد من بعيد ارض القصب لتهتف ايوه انا اروح اخد عودين مش هيا قالت ماحدش هيزعق خلاص لتذهب كانت الارض بعيده الي حد ما لتنهج هيا لتصل اخيرا وقفت وتذهب الي احد العيدان لتشدها فلم تعرف  ظلت تشده وهيا لا تقوي لتهتف ايه القرف ده هطلعه ازاي انا تعبت وايدي وجعتتي لتقف وتدور حوله وتقفز هنا وهناك لتنزل علي العود وتمسكه بعزم ما فينا وتشده مره واحده لينخلع العود لتشهق هيا وتتراجع وتقع علي الارض لتشهق عندنا...
ان ان ااااان يابه يامه.......اجري يا حزينه دا حاجه تخوف.