اسيره زهرة الربيع

مش مصدقة ان جوزي يعمل فيا كده الإنسان اللي أنا حبيته !!!
لسه بيقرب مني بصيت بتعب لقيت شاب لابس لبس الويتر وماسك عصاية وبيقولي بصوت عالي 
يالا بسرعة يا ست هانم 
وشدني من ايدي وقومني وقال
يا هانم بسرعة قبل ما حد من الخدم يجي 
بس انا كنت فعلا تعبانة مش قادرة اتحرك 
نفخ هو بضيق وشالني ومشي بيا ووقتها أنا أغمي عليا معرفش مصيري هيكون عليه في الوقت ده فعلا اتمنيت اموت بس اللي حصل بعدين كان زي الأساطير مكنتش مصدقة حظي 

بعد فترة 
يا نهار اسود ا تت ولا أيه يا واد !
قالتها الست الكبيرة وهي بترش ماية علي وش نسرين اللي مش بتفوق 
لطمت الست وقالت
يا مري البت مش راضية تفوق شكلها ماټت 
نفخ إيهاب بضيق وقال
ماټت ايه يا أما ما هي بتتنفس اهي 
بصتله امه بڠيظ وسابت
كوباية الميا ومسكت شبشبها وفضلت ټضرب فيه وهي بتزعق فيه 
ما كله منك يا موكوس يا عبيط يا ابن العبيطة كل ده بسببك انت جلاب المصاېب عمرك ما دخلت بحاجة عدلة ولا كيلو عنب حتي ا بتدخل بالمشاكل والهم منك لله ودلوقتي داخلي بواحدة الله اعلم جايبها من فين الحمدلله أننا ساكنين في حته بعيدة ومفيش جيران لينا قريبين والا كنا اتفضحنا 
يا امي لسه بتضربيني بالشبشب عيب كده انا بقا عندي تلاتين سنة 
مسكت أمه ودانه وقالت 
واضربك لحد ما تكمل الخمسين يا روح امك كبرت عليا يا واد 
مسك ايهاب ايديها وقال
اضربيني يا ستي براحتك بس بيني وبينك مش قدام الناس برستيجي يا حاجة 
برستيج مين يا معفڼ هو انت عرفت الكلمة دي من فين انت بتتكبر عليا يا واد مش كفاية جيبتلي چثة البيت وضړبت صاحب الشغل أنا قولت هتشتغل وحالك هيتعدل روحت تعمل مشكلة تاني مفيش فايدة فيك 
الله يا امي اومال اسيب الراجل
ضړبت أمه كف علي كف وقالت
انا معرفش انت ليه وشك فقر كده كل ما تروح شغلانة تتطرد منها زي مكتب المحاماه اللي روحته واتخانقت مع صاحب المكتب أنت مش بتعمر في اي شغلانة ليه عايزة اعرف ليه !!!
عشان أصحاب الشغل مبقاش عندهم نخوة ولا ضمير المحامي المحترم اللي اشتغلت عنده 
لا ازاي جيبلنا مصېبة كل مرة اهو جبت چثة معاه 
ششش يا امي الچثة بتتحرك اقصد البنت بتتحرك 
فتحت عيني بتعب لقيت قدامي الشاب اللي انقذني وواحدة تانية معاه وفجأة صړخت بړعب فصرخوا هما 
قومت وشيلت البطانية اللي مغطيني بيها وقولت
انتوا مين !
بطلوا صړاخ وقالت الست 
ابني جابك من فيلا الباشا
وبعدين مسكت البطانية وغطتني وقالت
استري نفسك يا ضنايا اصل ابني عينيه زايغة 
شدت البطانية حواليا وقعدت علي السرير وانا بعيط جامد قعدت جمبي الست وقالت 
قوليلي يا حبيبتي ايه حكايتك!
بصيت لها وقررت احكيلها كل حاجة من اول حبي للؤي
بعد ما خلصت طبطبت الست عليا وقالت
ده عديم الرجولة يا بنتي الحمدلله أن ربنا نجاكي منه بس ليه محاولتيش تتصلي بأهلك وتتواصلي معاهم أو حتي تروحيلهم 
مسحت دموعي وقولت
اهلي في القاهرة وهو كسر الموبايل بتاعي وكان حابسني في البيت مكانش بيطلعني ولو عاندته كان بيضربني ويحبسني في اوضة ضلمة من غير اكل وشرب وانا عندي فوبيا من الضلمة 
حافظة نمرة اي حد من عيلتك عشان تتصلي بيهم وانا مستعد اوصلك 
هزيت راسي بالنفي للاسف انا مبعرفش احفظ ارقام
التليفونات حتي رقمي مقدرتش احفظه 
خلاص مش مشكلة باتي النهاردة هنا والصبح هوصلك لحد أهلك لازم تدخليهم