حماتي مفتريه بقلم حسن الشرقاوي

مايعرفوا عنها حاجه وكمان جيبت نظارات رؤي ليليه
وكلمت كام حد من صحابي القريبين أوي إلى عارفين حالتي وإلى حماتي بتعمله معايا
وظبطنا كل حاجه لتنفيذ الخطه وهي
هانعمل حفلة ړعب لحماتي
الكاميرات هيقعد عليها واحد يراقب كل حاجه وهايتحكم في كل حاجه هاتحصل من خلال رؤيته لينا والنظارات الليليه هانقدر نتحرك لما نقطع النور عن البيت بكل سهوله

المهم حماتي جت كالعاده للمره التسعين في اليوم كنا قاعدين في الصاله وفجأة النور قطع وبعد لحظات
البيت عندي كان دورين وواسع وكنا مظبطين كل حاجه أنا واصحابي هاندخل إزاي ونعمل إيه من غير ماحد يحس بينا
المهم النور قطع
قلت يوووه دا وقته قومي يامني هاتي الولاعه وشمعه من المطبخ المطبخ عندي كان بعيد عن الصاله شويه
وأول ما قامت بعد لحظات النور جه كنت بدلت مع واحد صاحبي
إلى قعد مكاني أول ما النور جه
قال مالك ياحماتي بتبصلي كدا لييه
برقت وقالت إنت مين
قال فيه إيه ياحماتي أنا محمد
لسه هاتتكلم الكهرباء قطعت ورجعت تاني
كانت مني جابت الشمعه وولعتها ماصبرتش قابلت مني
أخدت منها الشمعه ووجهتا لوشي
وقعدت تبص
قلت خير ياحماتي بتبصلي كدا لييه
قالت إيه دااا مين الى كان قاعد هنا دلوقتي
وحكت على إلى حصل ضحكت أنا ومني
وقلنا إنتي بتقولى إيه شكل بتهيألك إزاي الكلام دا واحد تاني إيه ما أنا قاعد اهوو
النور جه وفضلت كل شويه تبص وتتأكد فيا
وأنا ماسك نفسي من الضحك وبقول في سري والله لخلي ليلتك سوده النهارده اصبري إنتي لسه شوفتي حاجه
وكررنا الأمر مره تانيه وترجع تلاقيني أنا إلى قاعد
علشان مني تقلها لا يماما إنتي أعصابك النهارده مش ولا بد
المهم قلتلها ادخلي اعمليلك كباية لمون شكل أعصابك تعبانه ياحماتي
دخلت المطبخ تعمل وكنا إحنا قاعدين برا
لما دخلت الكهربا قطعت لثواني وطبعا كان بيتحكم في كل دا صاحبي إلى قاعد على الكاميرات
كان واقف واحد في المطبخ لابس لبس جن بقرون لبس مرعب اووووووي
أول ما النور جه وشافته حماتي صړخت جااامد
وقالت عفرريت الحقوني عفريت
طلعنا نجري أنا ومني ليها كان النور جه وصحبي طلع
قالت منى مااالك يا ماما قاالت عفرريت
قلنا فين داا
قالت والله العظيم عفريت كان واقف هنا
قلنا ياستي فين لاا دا إنتي فعلا أعصابك تعبانه أوي النهارده
قالت أنا هاروح أنا من ساعة ماجيت وأنا بشوف حاجات غريبه هاااروح
قلت في سري تروحي قبل ما نكمل الحفله دا لسه بدري
دخلت تلبس
وفي الوقت داا خدرت مني قبل ما تمشي حماتي
وأول ما فقدت الوعي اخدتها لغرفة وقفلت عليها
وطلعت أكمل
لقيت حماتي ماشيه قالت فين منى قلتلها في الحمام
استنيها طيب لما تطلع أنا واقف معاكي اهوو استني
وقفت تستنا مني تخرج من الحمام
وفي الوقت دا النور قطع
قالت إيه حكاية النور دا عمال يقطع لييه
قلت يمكن المحول فيه مشكله ياحماتي
وفجأة النور جه علشان
تتصدم صدمة عمرها
وتقول إنت ميين
قلت تاني ياحماتي