سكريبت بسمه
الخير يا ست بسمه
صباح الخير يا سي الاستاذ
يارب تكوني نمتي كويس
الحمدلله
طيب الحمدلله أنا جيبتلك فطار
مد أيده بصينيه الاكل ففضلت واقفه مكاني
خديها يا ست بسمه خديها متبخليش عليا بالثواب
جمايلك كتيره يا سي الاستاذ
جمايل ايه بس احنا كلنا علي باب الله انهارده بساعد بكره هتساعد هي الدنيا كده
تسلم يا سي الاستاذ
الف هنا فوتك بعافيه
دخلت اتوضيت و صليت فرضي و فطرت و حضرت نفسي عشان امشي نزلت لقيته قاعد قدام العماره
علي فين يا ست بسمه
على رزقي تسلم يا سي الاستاذ علي كل الي عملته معايا لحد الساعه دي ربنا يراضيك و يجبرك و يكفيك شړ ولاد الحړام
عندي واحده صحبتي في الجيزه هروحلها و من هناك هدور علي رزقي
معاكي رقمها
اه معايا
طب خدي رني عليها من معايا قبل ما تروحي في حته
مدلي أيده بالتليفون فاخدته منه و رنيت عليها و لكن مجمعش
مش بترد
التليفون من مجمع انا هبقى ارن عليها من اي كشك في سكتي
تحبي اوصلك
مشيت من قدامه و روحت ناحيه المحطه بصيت في شنطتي مفيش فيها قرش فضلت قاعده في المحطه ساعه اتنين تلاته الشمس بدأت تغيب و يحل مكانها القمر و سواد الليل هل و الجسم بدء يستسلم للتعب و العيون غلبها النوم
ست بسمه ... ست بسمه اصحي
فتحت عيني فاجأه لما سمعت صوته
انت ... انت بتعمل اي هنا يا سي الاستاذ
فضلت ساكته ملقتش رد ارد عليه بيه
قومي يا ست بسمه تعالي مينفعش قعدتك هنا كده
بصيت حواليا و فعلا مكنش ينفع قعدتي هناك مشيت وراه لحد ما وصلنا قدام العماره و طلعنا علي السطح
ليه مشيتي يا ست بسمه هو انا زعلتك في حاجه
لا بس انا مش حمل اشيل جمايل أنا مش قدها
جمايل ايه بس لو ربنا كرمك هتبخلي علي الناس
ونعم بالله اديكي قولتيها كلنا علي باب الله دا رزق ربنا ليكي يبقى متقطعيش بيه
أنا مش هينفع اقعد هنا كده محتاجه انزل ادور علي شغل ... ممكن امسح السلم أو انضف الشقه بتاعتك كل أسبوع زي ما تحب لكن انا مش حمل جمايل
جمايل تاني طيب بصي انتي اقعدي و ارتاحي انهاردة و من بكره أنزلي اشتغلي معايا في السوبر ماركت
السوبر ماركت الي تحت العماره شوفتيه
اه
دا بتاعي اقفي معايا و ساعديني و كده محدش ليه جمايل عند التاني تمام
تمام
ام أن الدنيا دي عجايب في اللحظه الي بتحس فيها بالنهايه بتكون هي دي اللحظه الي ربنا هيجبرك فيها بدأت الايام تعدي و تفوت و بقينا نقرب من بعض اكتر واكتر
يا سي الاستاذ هعمل شاي اعملك معايا
مقدرش اقولك لا
حضرت كوبايتين الشاي و روحت قعدت جنبه علي السطح
اتفضل
تسلم الايادي
الف هنا
احكيلي يا ست بسمه
احكيلك ايه
عنك ... عن حياتك
حياتي والله يا سي الاستاذ حياتي وقفت
