إسكريبت( درس في الاعتراف) بقلم هاجر نور الدين

كانت أول خروجة معاه وحقيقي إتبسطت جدا وكانت زي القمر وأكتر شعرها الدهبي وعيونها الزرقا وخدودها اللي على طول باللون الوردي بجد نازلة من الجنة دي مش بشړ عادي لأ دي حور عين نازل من الجنة.
فضلت أحسس على شعري ووشي وبعدين بصيتله وقولت 
حلوة يعني
بصلي بدهشة وإستنكار وقال 
_بعد كل اللي وصفتهولك دا وبتسأليني حلوة

دي عاملة زي العروسة اللعبة دا وأنا قاعد معاها النهاردا كنت خاېف أمسك إيديها للتكسر مني.
قومت وقولت بإمتعاض وأنا داخلة الأوضة عشان أنام 
طيب ربنا يهني سعيد بسعيدة تصبح على خير.
إتكلم بلا مبالاة وقال 
_صحيح لسة صاحية لحد دلوقتي ليه مش من عوايدك يعني
إتكلمت ببرود وقولت 
قولت يمكن تكون عملت حاډثة ولا جرالك حاجة. كنت قاعدة مستنية يا تيجي يا حد يكلمني يلا هنام.
بصلي بغيظ ومتكلمش مسك تليفونه وقال ببرود وإبتسامة 
_طيب أنا لسة مش هنام دلوقتي عشان هسهر مع حبيبتي.
المرة دي أنا اللي بصيتله بغيظ وسيبته ودخلت نمت صحيح إني قولتله ياخد راحته ويعمل اللي عايزه بس مش للدرجة دي أنا برضوا بحس ما يحبها بعيد عني وقفت قدامي المراية وأنا ببص لشعري البني وعيوني البنية وملامحي العربية الطبيعية والعادية إتكلمت بإستنكار وإقتناع وقولت 
_طب ما أنا برضوا جميلة يعني يووه بطلي أفكار يا دنيا يعمل اللي يعمله مالك مهتمة ليه!
روحت بعدها أنام عشان أوقف دماغي من التناقض اللي بيحصل فيها صحيت تاني يوم واليوم عدا بشكل طبيعي لحد ما لقيته بعد المغرب واللي هو ميعاد خروجه من الشغل عادي داخل البيت وساب على الطربيزة قدامي ورد وعلبة حمرا إتكلم بسعادة بعدها وقال 
_أنا هدخل آخد حمام سريع كدا وأنزل تاني عشان حبيبتي مستنياني.
مردتش عليه وأنا رايمة على ملامحي عدم الإهتمام مع إن من جوايا عكس كدا تماما وحاسة بفضول شديد على اللي جوا العلبة وإني أشوفها ولكن منعت نفسي خلص الحمام وطلع وهو حقيقي أخر شياكة بصيتله بدهشة وهو مبتسم إبتسامة من الودن للودن وبعدين مسك العلبة وفتحها وورهالي واللي كان فيها سلسلة دهب على شكل فراشة رقيقة جدا واللي شوفتها قبل كدا في المحل وعجبتني وقال بتساؤل 
_حلوة
أصلها شافتها إمبارح وعجبتها أوي ف قولت لازم أجيبهالها وأفرحها وأشوف ضحكتها أصلك متعرفيش ضحكتها دي...
قاطعته وقولت بتساؤل وغيظ 
مش دي السلسلة اللي عجبتني
بصلي وقال بدهشة مصتنعة 
_بجد!
مخدتش بالي نبقى نشوف موضوعك بعدين يلا سلام بقى عشان متأخرش عليها حبيبة قلبي.
سابني ومشي بعدها وأنا واقفة بحاول أهدي نفسي وأقتنع إني أعقل وممسكش الطفاية اللي على الطربيزة وأفتح بيها دماغه عدا بعد اليوم دا 3 أسابيع ولسة هو زي ما هو الإهتمام بتاعه بيا اللي كان موجود الأول إختفى وبقى مهتم للبتاعة التانية وليل نهار بيتكلم معاها
وبيخرج معاها حسيت وقتها إني خسرته بجد وإني مش هقدر أستحمل أكتر من كدا إكتشفت وقتها إني كنت غلطانة لما قولتله إني مش بحبه أنا للأسف كنت بحبه ولكن مكنتش مدية فرصة لنفسي ولا مديالها مساحة للحب وسط كل الحړب اللي بخوضه مع عمامي عشان الورث وكل حاجة هديت من بعد ما إتجوزت هاشم ودا لإنهم مش هيفدروا يجبروني على جواز حد من ولادهم وهاشم وقتها كان بيحبني وهيعمل آي حاجة عشاني ولكن الظاهر إني بغبائي دا ضيعته مني للأبد وخليته يحب واحدة تانية لقيته راجع من الشغل وهو بيضحك في التليفون كالعادة وقفت قدامه بعصبية وشاورتله يقفل وقفل معاها إتكلمت بزعيق وڠضب وقولت 
_وبعدين يعني معاك
إتكلم بتساؤل وإستعباط وقال 
وبعدين في إي مش فاهم
بصيتله وقولت پغضب 
_صحيح إني قولتلك إعمل اللي إنت عايزه بس مش للدرجة دي إنت بتعاملني وكإني مش موجودة خالص حتى لو أنا قولتلك أفهم من كدا إنك ما صدقت يعني وهي كانت موجودة من البداية ولا إي
إتكلم بإبتسامة وقال 
بتغيري
بصيتله بتوتر وقولت 
_لأ طبعا بس يعني مفيش احترام ليا خالص!
إبتسم وقعد وبعدين قال 
اممم عموما مش محتاجة تقولي لإنك كدا كدا باين عليك بقالك كام يوم وعموما ياستب مفيش واحدة تانية ولا حاجة أنا بحبك إنت يا دنيا دا بس كان درس ليك حتى لو خد أسابيع بس كله يهون لأجل النظرة دي.
بصيتله بدهشة وعدم إستيعاب وقولت 
_بجد!
طب والمكالمات والخروجات
فتح تليفونه واللي كان طول الوقت دا بيكلم والدته ولما كان بينزل كان بيروح يقعد معاها فضلت مش مستوعبة لحد ما طلع من جيبه السلسلة اللي عجبتني ولبسهالي وهو بيقول بإبتسامة 
مبحبش غيرك يا دنيا ولكن إنت كنت قاسېة معايا ومحتاجة تعرفي قيمة حبي اللي بتعامليه ببرود.
بصيتله بعيون فيها دموع وإتنهدت براحة إنه لسة مضاعش مني وضړبته في كتفه وقولت 
_وأنا مبحبكش.
مسك كتفه پألم وقال 
واضح.
ضحكت على شكله وبعدين قعدنا نتكلم مع بعض واللي أخيرا عرفت الحب معاه وأخيرا أعترفت بيه لنفسي قبل ما أعترف بيه ليه هو حقيقي بحمد ربنا وحاسة ب راحة كبيرة لإنه مضاعش مني وإن الوقت لسة مفاتش عشان أعمله كل اللي عايزه وعشان أعطيه الحب اللي يستاهله زي ما كان دايما معطاء معايا حتى بدون أخذ دلوقتي أنا أقدر أقول بكل ثقة إني بحبه وعمري أبدا ما هنكر دا مرة تانية.
هاجر_نورالدين
درس_في_الإعتراف
تمت