بقلم روان
انت في الصفحة 1 من 8 صفحات
الباب بيخبط
يلهوي علي القرف اللي انا فيييييه في حد ييجي الساعة 10 الصبح الدنيا خلاص مبقاش فيها خير
خالتي ايه ساعة عمال ما تفتحي
_معلش اصلي كنت بعمل حاجه مهمة خير علي الصبح مش من عوايدك تجيلي
اخص عليكي يا بنت أختي بقي كده تستقبلي خالتك حبيبتك
قلت بصوت واطي_خالتي و حبيبتي مع بعض استر يارب
بتقولي حاجة
جيبتلك هدية بصي الفانوس ده من أيام جدك الله يرحمه و كان بيحبه أوي لقيته عندي وانا بنضف قلت ما يغلاش عليكي ما انا عارفة كنتي بتحبي جدك قد ايه
عيني دمعت _الله يرحمه شكرا
علي ايه يا كارما ده أقل واجب انا همشي دلوقتي و هبقي اجيلك تاني خلي بالك علي نفسك والله انا مش عارفة عايشة لوحدك كده ازاي
و رجعت كملت نوم تاني طبعا ده انهاردة اجازتي من الشغل و لمه صحيت احضر غدا ليا
يا تري هتعملي ايه انهاردة يا كارما يلا كله يغمض عينيه و يشوف الست غالية هتعمل ايه
اكيد مكرونه و بانية يخربيت القافية بتاعتي
مبتعرفيش تطبخي ولا ايه
اتلفت حواليا لا لا اكيد بيتهيألي انا عايشة لوحدي يا جماعة متهزروش
_بسم الله الرحمن الرحيم مټخافيش يا كارما ده تأثير السهر بس انا.... انا هعيط
مالك يا بت قلبك خرع كده
_نفسي بدأ يروح اننننت انت مين
هظهرلك بس جمدي قلبك كده اومال
_يعني انا مش بكلم نفسي بجد انا ساكتة والله انا انا لازم اعزل من البيت ده
بووو
عااااا و اغمي عليا
بعد وقت مش عارفة قد ايه فتحت عيني اااه يا رقبتي ياني انا وقعت في المطبخ و محدش حس بيا انا لازم ارجع اعيش مع أهلي حتي لو هتعذب هيبقي أهون من اللي انا فيه ده
_عااااااا
لا هيغمي عليكي تاني احنا بننام بدري
_انت انت
ايوة مارد و خرجت من الفانوس
_ازاي مش المفروض اعمل زي الأفلام و ادعك الفانوس عشان تطلع
اه بس انا كنت زهقان ف خرجت
_يا سلااااام بالسهولة دي
اومال انتي مفكرة ايه بصوت بدرية طلبة
_عارف كوميكسات كمان ما شاء الله
لا انا اعجبك أوي
حبيبتي انا جني اوريدي بعمل اللي عايزه مش هاجي اقولك
_خلاص يا عم الجني
سيبيني بقي اقولك المقدمة
السود عيونه
رديت باستغراب_يا ولا
السود عيونه
_يا زفت يا ولا
لا لا يا كارما ميبقاش خلقك ضيق كده اومال
_طالعلي جن انت متخيل اللي انا فيه
مقدر مقدر بس مټخافيش انا جن طيب و هحققلك تلات أمنيات مع اني بعرف اعمل أكتر بس هم في الأفلام بيقولوا كده
بس مش هقدر أخلي حسام البيست فريند بتاعك يحبك
_وانت عرفت ازاي اني كنت عايزة كده
لسه برده مستقلية بقدراتيفي حاجات مقدرش أتدخل فيها زي الغيب و العمر و أهم حاجة الحب
_وانا كده هستفاد منك ب ايه ان شاء الله لا خلاص مش شاريه
اسمعي عروضنا يا فندم يمكن تعجبك و مش هتلاقي زيها بره
_امم اتحفني
اعمليلي كوباية شاي في الخمسينة عشان افكرلك
_انت بجد ممكن تشرب عادي
لا طبعا
_طب انت كنت عايش مع جدي و خالتي لقيتك في بيتها احكيلي عن جدي
هاه اه بس مش عايزة حسام يحبك
_اه اه ياريت تقولي بص ممكن تخليني البس براندات من بلاد بره و اغير في شكلي تماما
بس كده سهلة شيللي لا بو لا بيبدي بو لا شيللي بابيدي بوو
_مش دي ساحرة سندريلا
اه بحب الكارتون ده اوي
_انت متأكد انك مارد
مارد بس جامد
_ضحكتني طيب انا عندي شغل بكرة ف خليك معايا بقي
بصي هخليهولك يعشقك عشق بس تسمعي الكلام
