اسكريبت جديد بقلم آية حمام
انت في الصفحة 7 من 7 صفحات
بيبات هنا بينام في حضنك أنت كل ليلة بيحكيلك تفاصيل يومه ولا كإنك أمه.
معرفش بقا..
أنت إتكلمتي مع غيث
أنا هقوم أغسل علشان أنزل.
إستني وردي كلمتيه ولا لاء
يوه يا كاميليا أها كلمته إمبارح.
وقولتي له إيه
قلت له إني مش مستعدة ومش موافقة.
عندك 28 سنة ومش مستعدة!
خالتو لو زهقانة من وجودي قولي لي وأنا أرجع شقة بابا وماما وأريحك مني لكن جواز لاء.
بصت لي بهدوء وفجأة راحت ضړباني بالقلم فضلت باصة ليها شوية بعدين سيبتها وروحت أوضتي جهزت ونزلت من غير كلام مكنتش قادرة أدخل لها دلوقت.
فضلت في المستشفى لحد ما الشيفت بتاعي إنتهى خرجت قعدت ألف شوية قبل ما أرجع البيت رجعت وفتحت لكن كان ضلمة دورت عليها لكن مكنتش موجودة قعدت أرن عليها مكنتش بترد برضه!
يعني تبقي مزعلاني وضړباني وكمان ملففاني وراك كدا!!
مقولتش ليك تدوري عليا أنا قولت أسيب لك البيت طالما وجودي مش عاجبك.
أنا قلت كدا!!
مچنونة أنا مچنونة حد بيصدق كلام المجانين
طيب أنا مش راجعة معاك أنا أصلا كنت هروح فندق لولا ريهام.
أنت بتهزري صح!!
كانت لسة هترد لكن قاطع كلامنا دخول سبب المصاېب أستاذ غيث كان معاه عمر قومت وقفت لفيت وشي مسحت دموعي وسلمت على عمر
وحشتيني.
وأنت كمان يا حبيبي.
شوية تعالى إقنع كاميليا تروح معايا بقا.
هي عايزة تبات هنا
أيوا.
طب ما تباتي أنت كمان أصلا غيث بيبات هنا لما بيكون في مصر ف كدا هنكون كلنا موجودين هنا.
لاء مينفعش يا حبيبي.
يلا يا خالتو لو سمحت.
ما تسيبي خالتك تبات هنا النهاردة ولو...
أنت لو سمحت ممكن متدخلش أنت أصلا السبب..
كدا
طب براحتك يا كاميليا أنا ماشية.
أخدت شنطتي ونزلت وأنا متعصبة وبحاول أمنع دموعي إنها تنزل لسة هركب العربية لقيته بيوقفني
إستني بس.
عايز مني إيه تاني
إطلعي باتي فوق أنا هروح أي مكان تاني.
شكرا أنا مروحة.
يا بنتي إسمعي الكلام مينفعش تسوقي وأنت كدا بعدين مش أنت پتخافي تنامي لوحدك في البيت بلاش بقا دور ال استرونج إندبندنت دا وإطلعي ل خالتك بقا دا إيه الهم دا.
سليم دا يبقى ابن أختك
خبطته بالشنطة وأنا بسيبه وطالعه بس ابتسمت على خفة دمه ورخامته هو لذيذ وجميل بس أنا مقدرش أجازف!
طلعت وخبطت فتحت ريهام ودخلت ل كاميليا الأوضة ال كانت فيها حطيت الشنطة على التسريحة وخلعت الحجاب والجزمة وطلعت جمبها على السرير
علفكرة أنت عارفة إني بحبك أكتر من أي حد حتى أكتر من أختك أنت تعتبري أمي أصلا كاميليا أنا عيشت معاك طول عمري دايما كانوا بيبعتوني ليك دا حتي مدرستي وجامعتي كانوا هنا وأجازتي بس ال كانت هناك يبقى مين ال أمي الأم هي ال بتربي وأنت ال ربتيني وإدتيني كل الحب أنا ممتنة ليك بكتير أوي يا كاميليا علشان كدا مش بعرف أزعل منك وفي نفس الوقت مش عايزاك تزعلي مني أو تغصبيني على حاجة أنا لما قولت لك أرجع القاهرة كنت متضايقة مش حاسة بال بقوله لكن أنا مقدرش أبعد عنك أصلا والله أموت فيها.
ضمتني ليها وهي بتمسح دموعي ودموعها بعدين إتكلمت
بعد الشړ عنك يا حيوانة أنت
وسامحيني علشان مديت إيدي عليك حقك عليا.
يا
كاميليا دا أنت شبشبك 24 ساعة طاير على جسمي
كدا طب قومي غوري بقا.
إستني بس إحضنيني عايزة أنام في حضنك.
تعالي يا عيوني بس إحكيلي ليه رافضة غيث الواد بيحبك ومستحملك ومستحمل أسلوبك.
يووه يا خالتو
أنت محبتيهوش
بالعكس أنا معجبة بيه هو چان وملامحه وشكله مريحين بس أنا معرفش عنه كل شيء
طب ما تدي له فرصة وإعرفيه.
مش عايزة
ليه
أنا مش بخبي عليك حاجة علشان كدا هحكيلك
يا كاميليا أنا جالي تروما بابا لما سابنا وراح إتجوز واحدة تانية وسابها هي كمان أنا إتظلمت وكمان ريهام وعمر إتظلموا وأكيد أمي إتظلمت.
وأنت كمان مش حبيتي واحد وإتجوزتيه وكنت بايعة الدنيا لأجل إنه يرضى عنك وفي النهاية
وقت ما تعبتي سابك أنا آسفة إني فكرتك بكدا بس أنا مش هقدر أعيش بالشكل دا مش هقدر أعلق قلبي بيه أكتر من كدا وييجي يحصل أي حاجة ف يوجعني ويكسرني أنا خاېفة!
أخدتني في حضنها وقعدت تمشي إيدها على شعري كنت حاسة بيها وبوجعها دول مجرد نموذجين لتجربة كان نهايتها ألم وأكيد فيه أكتر..ف ليه أجازف أنا كمان
أنت عارفة إني عمري ما غصبتك على حاجة دايما بتعملي وتختاري ال عايزاه بس أنا مينفعش أشوفك بتغلطي وأقف ساكتة لولا إني متأكدة من حب غيث ليك مكنتش وافقت عليه وأنا بكره الصنف دا أصلا أنا مش عايزاك تكوني زيي والله لولاك عايشة معايا أكيد كان هيجرى لي حاجة وفي نفس الوقت أنا مش هعيش لك العمر كله..
بس يا خالتو بعد الشړ.
يا حبيبتي دا الواقع طب بصي فكري في الكلام وأنا مش هفتح الموضوع دا تاني ووقت ما تاخدي قرار عرفيني بس توعديني تفكري كويس فيك وفيه وفيا أنا عايزة أفرح ببنتي بقا.
نمت في حضنها وأنا بفكر في كلامها جزء جوايا بيقول لي أدي غيث فرصة وجزء تاني لسة خاېفة.
فضلت أفكر كتير لحد ما النوم غلبني
تاني يوم صحيت متأخر ووصلت لإني هستشير أخصائية أكيد من حقي أعيش زي أي بنت ولازم أدي نفسي فرصة فوقت من تفكيري على صوت عمر
صباح الخير يا حبيبي.
صباح الخير يا أيوش بتقول لك طنط كاميليا يلا علشان تفطري وتنزلي شغلك.
حاضر ربع ساعة وهكون جهزت وخرجت لكم.
وفات شهر روحت لأخصائية وحكيت لها عن مخاۏفي وساعدتني كتير لحد ما قدرت آخد قرار بإن لازم أدي غيث فرصة بعد ما شوفته محاولاته إتأكدت إني لازم أوافق.
خالتو بلغت ريهام إني موافقة وهو أصر نكتب الكتاب علشان يكون فيه حرية في التعامل أكتر.
وجه اليوم دا كلمة ھموت من التوتر كانت قليلة عليا جدا بس لما شوفت فرحة كاميليا وغيث بدأت أهدى وأفرح معاهم.
بارك الله لكما وبارك عليكما وجمع بينكما في خير
بعدها لقيته بيسحبني له كنت متوقعة كلام هيخليني أتكسف أو تتورد وجنتاي من فرط الخجل زي الروايات بس نسيت إنه غيث!
حسبي الله ونعم الوكيل فيك يا شيخة مرمطتيني علشان أوصل للحظة دي.
أنت شاددني من وسطهم علشان تقول لي كدا يا غيث!!
لاء عايز أقول لك كمان إني جعان هو المفروض هنتعشا عندكم ولا هروح جعان.
لاء والله كتير كدا أنت بټنتقم مني علشان مكنتش موافقة عليك صح
بس بس والله بحبك.
إتكسفت لما قالها فجأة كدا ف إتكلمت بصدق
أتمنى ما أندمش إني وافقت على القرار دا ياغيث.
غيث طول ما هو عايش عمره ما هينيمك زعلانة أبدا وعد مني ليك قدام ربنا إني هعمل كل ال هقدر عليه علشان أسعدك وأطمن قلبك.
ومتسبنيش بعد ما
أتعلق بيك.
طب يروح فين البني آدم بعيد عن
العيون دي بذمتك دا يفديها بروحه يا روح الروح أنت أي والله.
وقابلتك أنت لقيت بتغير كل حياتي معرفش إزاي حبيتك!
تمت.
آيةحمام.
