روايه كامله بقلم اية حمام
وهو قصادك زي المرة ال فاتت.
تمام هبعت لك بكرة عنوان مكان لطيف وفيه كورنر تقدري تقعدي فيه معاه في هدوء.
إتفقنا.
زعلانة ليه يا خالتو
علشان بقيت بعيدة عني.
أنا!!
من وقت ما أخوك ومامته ظهروا وأنت معاهم.
ياه على سوء الظن هو أنا مش إمبارح قولت لك إني لازم أتعرف على الولد لحد ما أقنعهم يعيشوا معانا وعلفكرة هنخرج معاهم بكرة تتعرفي عليه.
إزيك.
بخير الحمدلله
دي خالتو كاميليا ممكن تقول لها كوكي عادي هي بتحب ال يدلعها ويحسسها إنها عشرين سنة.
ما تتلمي يا بت بدل ما أجيب لك الشبشب.
إيدك تقلت يا كاميليا ومتفضحيناش قدام الناس.
أنت بتقولي لخالتك كاميليا!
أنا بقول لخالتو يا خالتو مش يا رجاء.
حبيبتي يا خالتو المهم دي ريهام.
أهلا بيك.
عمر ممكن نقعد سوا بعيد عن ماما وخالتو علشان يعرفوا يتكلموا
ماشي.
ها إحكي لي بقا عامل إيه.
مش عايز أروح المدرسة.
برضه!!
طب عندي فكرة.
هي إيه
إيه رأيك ننقل مدرسة تانية تيجي المدرسة ال أنا درست فيها
بس أول يوم ماما وغيث بيودوني.
أنا نفسي أشوف سي غيث ال بيتحط في كل جملة دا.
بتقولي إيه
بقول إيه رأيك نروح كلنا معاك ولما تخرج تيجي عندي وأكون عاملة لك صينية مكرونة بشاميل بتحبها
بحبها أوي.
وأنا كمان ها ديل
ديل.
حضڼ بقا.
فجأة بعد عني وطلع يجري وحضن واحد
كان طويل وبشرته قمحية شعره مش قصير ولا طويل لحيته جميلة عيونه لونها إيه دي
إيه ال بعمله دا!
فوقت بسرعة وروحت ناحيته آخد الولد منه
مين حضرتك
هو أنت ال مين أصلا وعايزة إيه
بصفتك مين
بصفتي أخته بعدين أنت بارد كدا ليه!!
لولا إنك عيلة وأنثى كان زماني مديك بوكس يرقدك في السرير شهر علشان تشوفي البارد يقدر يعمل ايه.
يلا يا عمر.
إيه دا غيث! أنت جيت وقتيه يا حبيبي
غيث!! هو دا سي بتاع!!
نعم!!
احم ولا حاجة.
ريهام أنا همشي أنا وكامليا ونبقى نتقابل تاني.
ريهام بتتكلم صح.
خالتو أنت بتقولي إيه أنا مش هقعد مع البني آدم دا.
انا ساكت من الصبح علفكرة.
أنا مستحيل هقعد معاه.
أستغفر الله هو أنت هتفضلي ساكتة كتير
عايز إيه
لو اتعصبتي تاني هكب الماية دي ف وشك.
أنت سليط اللسان ليه
سليط اللسان!!
طب عامة حضرتك ال عايزاني ف انجزي قولي عايزة إيه علشان أقوم أنام.
هو إزاي عمر بيحبك بأسلوبك دا بجد!!
أصلي شكلي هيعورك بس من جوا بسكوتاية.
طب بص يا أستاذ أنا آها مش طايقة حضرتك بس علشان خاطر أخويا وكاميليا هضطر أكمل المقابلة دي ف ياريت تحكي لي عن عمر أكتر.
طب بصي يا أستاذة أنا معرفش أنت شايفة نفسك ليه بس علشان خاطر ريهام وعمر أنا هحكي لك شفقة على حالك يعني.
مش قادرة لازم أقوم أخبطه بحاجة عشان يبطل الأسلوب السئيل دا.
استحملت وفضل يحكي حوالي ساعة أو ساعة ونص لكن طبعا الوقت معداش من غير خمسين خناقة بيني وبينه
يلا يا كاميليا نروح.
ما تخلينا شوية.
خالتو..
لا إله إلا الله هتقتل الست بنظراتها.
هو حضرتك بتدخل ليه
خلاص يا آية إتلمي ويلا لمي حاجتك علشان نمشي.
آية أنت هتمشي
اها يا حبيبي لكن هنتقابل تاني إن شاء الله.
خرجت أنا وخالتو مشينا وأنا معرفش إزاي استحملت الشخص دا يوم كامل مش هنكر إعجابي بيه لكن أسلوبه معايا قفلني منه
إبه رأيك في عمر يا خالتو.
فيه شبه منك ويا عيني غلبان يا حبة عين أمه
بس كان مش بيتكلم
