اسكريبت إيمان السيد حكاوي ياسين
يلحق يقعد علي القهوة مبحترمش مشاعري لما اكون جايبة شئ نشاركة سوا وميهتمش بيه !
الاحترام لازم يكون في كل حاجة الاحترام مش بس تتكلم بأدب وتتعامل بإسلوب راقي الاحترام انك تحترم مشاعر الكل مش بس اللي بيحبوك تحترم رغباتهم تحترم آرائهم الاحترام لازم يكون في كل شئ
ازاي قصة حب سبع سنين تنتهي في يوم وليلة علشان شوية إهمال منه !
بس وحبكم!
حبنا انتهى قلة الاهتمام برضوا بتؤدي الي قلة الحب الحب لوحدة مش كافي علشان العلاقة تفضل متينة الحب محتاج عوامل أساسية تساعدة علشان يفضل موجود الحب وردة والاهتمام الماية اللي بتروي الوردة دي لو الزراع نسى أو أهمل الوردة دي في يوم من الايام مع الوقت هتجف مع الوقت ورقها هيقع مع الوقت ھتموت
ماشي
اي اللي ماشي قومي ساعديني في الطبخ!
وقفت مع ماما اساعدها فضلت تعمل اكل كتير ! هي اصلا مبتطبخش في الأيام العادية!
جهزنا السفرة دخلت اغير هدومي طلعت وقت مالكل حضر علشان يأكلوا
اذيك يا إيمان
ابتسمت الله يسلمك يا أستاذ ياسين
وطبعآ زي عادة اي بيت مصري فضلوا يتكلموا ويحكوا قصص حياتهم خلصنا ولمېت السفرة دخلت اقعد في البلكونة انا واخويا محمد
بصيت اشوف مين لقيته ياسين بطوله وهيئته القمر ابتسمت فدخل
محمد صحيح يا ياسين أنت لسه متجوزتش لحد الوقت
ياسين اه لسه مش لاقي بنت الحلال اللي تفهمني وافهمها
قال اخر جملة وهو بيبصلي
محمد بنات الحلال كتير شاور انت بس
ياسين بنات الحلال كتير بس اللي فاهمين معنى الزواج والحب مش كتير يامحمد
ياسين يعني رحمة ورفق يعني محبة واهتمام واحترام مشاعر كل طرف للتاني احترام رغباتهم مشاكلهم رأيهم واهتمام كل طرف بالتاني
قلبي دق اول ما سمعت كلامه معقول في راجل بيفكر بطريقة حلوة كدة! معقول في راجل شايف الجواز أنه محبة ورحمة واهتمام واحترام مش شايفة مجرد بيت وعيلة مكونة من زوج وزوجة وأطفال !
فات اسبوع بشوف ياسين عادي بلقي عليه السلام وبس معاملتي معاه سطحية جدآ بس بعد كلامه حبيت اعرفه اكتر وافهم تفكيرة اكتر
ياسين !
كان نازل وقفته مش عارفة عاوزة اسئل عن أي ولا
