اشواك الورد صفحه حكايات ميفو

ان تشد همتها وتتجلد وتتصدي لهجومه عليها فهو عاشق جيد ومحب رائع ولكنه في غضبه يجرح بلا وعي ليذهب الحب مع الچرح ويصعب مداواته ورجوع ذلك الحب.. 
قامت ولبست ملابسها وهربت من امامه حتي لا يفترد بها لتنزل وتقرر ان لا تغيظه ايضا او تغضبه فتراعي مشاعره حتي يكون لها الحق ان يراعي هو ايضا مشاعرها..
نزل عزيز وجدها تجلس بجوار بدور يتحدثان وعلي وجهها ابتسامه رائعه.. اقترب لتستاذن بدور اقترب وجلس بجوارها...... يعني ما كتيش عارفه حتي تستني صحياني يا ورد مستكتره عليا بصه عنيكي..
هتفت بجديه.. لاه يا عزيز انت اللي مستكتر عليا تحترمني وتكبرني عشان ابجي مرتك.. انا ما ارضاش ابدا بعد اكده انك تعاملني كيف العبده تزعج وتغفلجها عليا وترجع تراضيني لاه يابن الناس..انت مستكتر تتغير وتراعيني في غضبك.. لاه تجول وتعيب وترجع تراضي واتراضي.. انا ما عتش هعيش كيف ما امي عاشت انا ما هكملش اكده.. فكر في كلامي ده زين انا ورد ما عتش البت اللي تتهان وتسكت و تنضرب واسكت.. تتذل وتسكت وما هجبلش واصل اني اكمل عيش اكده مش انت عزيز الجبالي انا بجه بجولك ورد ما هتعيشش عيشتك دي.. كانت بتتكلم بقوه واستعلاء فيكفيها ما فعله زمنها بها يكفيها طيبه وكل من يفعل بها شئ يتوقع ان تكمل حياتها وترضي صامته.. كانت قد اكتفت من مرطه النفس وهوان عيشتها.. كانت تريد ان تؤسس حياه زوجيه يحترمها زوجها ويتحكم في نفسه ويعرف ان يخرج كلماته بحساب حتي لا يوجعها.. 
نظر اليها ببعض الڠضب فمهما كان حبه لها الا ان كلامها فيه تعالي لا يتماشي مع شخصيته.. كانت محقه في كلامها ولكن تعاليها لا يمشي مع شخصيه عزيز.. هتف...... هو بجي الحديت اكده.. بټهدديني يا ورد.. انت واعيه بتتكلمي ازاي.. انا عزيز تكلميني اكده حتي لو بعشجك تفكري تكلميني اكده.. لاه مرتي ما تتكلمش معايا اكده واصل حتي لو روحي في يدها مش عزيز اللي يتكلم معاه حد واصل اكده.
هتفت بقوه.. وعايزني اتكلم كيف.. هاتلي غلط غلطه يا راجلي وانا بكلمك.. غلط اني بجولك اوعي لحالك في غضبك غلط اني بجولك ما جبلاش منك جله الجيمه وتعليه الصوت. غلط اني ما عيزاش اتعيب كل دجيجه وكل ساعه ومطلوب مني اتراضي من سكات.. هو ده الغلط عندك يابن الناس غلط اني عايزه زوجي يفكر مېت مره جبل ما يوجعني .غلط اني بجولك احترمني واحترم حالك انك راجل وكبير مايخرجش العيبه من بقه.. ايه الغلط انك تتحكم في غضبك هو ده الغلط.. عايز تنساب وتنطلج علي مرتك تسب وتعيب وترجع لما يجيك كيفك تراضيها تتراضي.. ليه حد جالك انك اشتريتني يابن الناس.. وزي مانت بتعشجني وتجول طب ماتراعيني يا ابن الناس وماتمرطش نفسي.. واحده شبعت ذل وتعيب بكفايه عاد بكفايه اكده.. انا بجولك عيشه العيبه وجله الجيمه ماهتنفعش ولا هجبلها لو كت مين.. اجولك ايه تاني اترجاك تمسك لسانك.. . تجوم تجلي واعيه لحالي.. ايوه واعيه لحالي.. ماله حالي يا عزيز ناجصه ايد والا رجل.. ماله حالي يابن الناس جليله والا معيوبه.. جولي ماله حالي عشان اوعاله.. لاه دانا فيا الحلو كله واجعد واتشرط وجوزي يسمعلي انا مش عبده ومذلوله لا ليك ولا لغيرك..انا واعيه لحالي كويس اوعي انت لحالك بعد اكده وشوف انت متجوز ورد الهلالي اللي في نفسها عزيزه وما هتجبلش يوم تعيب فيها في غضبك تاني.. 
كانت