اشواك الورد صفحه حكايات ميفو

تتكلم بقوه وكان هو كرجل صعيدي لا يقبل ان تتعالي عليه امراته ورغم عشقه الا انه كان رجولته تاكله وعنفوانه لا يرضي بكلامها ليهتف.. طب يا ورد اجعدي لحالك وفكري واعرفي انت متجوزه مين انت متجوزه عزيز اللي ما هيجبلش ان مرته تتعالي عليه اكده حتي لو بيعشجها.. مفش حد يجفلي اكده ويناطحني ويكلمني اكده ما اتخلج لسه فكري واعجلي ومشي عيشتك يا مرت عزيز كان غاضب بشده..
هتفت باستنكار.. امشي عيشتي.. اه هو هيبجي اكده عاد.. وان ما مشيتش هتعمل ايه هتضروبني ولا تحبسني يا راجلي..
هتف بسخط.. بكفياك رط وحديت اهبل عاد وساعتها هتعرفي هعمل ايه انا ماشي وهعاود بعد اسبوع تكوني ارتاحتي يا مرتي وعجلك رجعلك وتبطلي الحديت اللي ما هيدخلش الراس ده اعجلي وشوفي متجوزه مين . وتركها ورحل..
جلست مقهوره من كلامه فماذا اخطات في كلامها.. اخطأها انها تريد من زوجها ان يحترمها في غضبه وان لا يلقي كلامه الچارح جزافا.. ان يتحكم في غضبه ولا يعاملها كأمها.. ان يراها شخصيه لها روح وقلب يرفض العڼف و القهر وقله القيمه. انثي تريد ان تحافظ علي كرامتها في غضبه.. لتقرر ان تتبع معه اسلوبا سيحرقه.. فهو يريدها خاضعه تتقبل عشقه وتتقبل غضبه وتتقبل ما يخرج منه دون ان يحق لها ان تعترض لتهتف.. ماشي يا عزيز همشي عيشتي بس اصحك تتوجع وانا بمشيها وهعرفك اني عاليه في نفسي وانك تفكر مېت مره جبل ما تفكر تغضب والا تغلط في حجي.. بحبك وبعشجك اه ولكن ماهجبلش تحولنا نعمات وصابر.. بتحبني وبتعشجني بطريجتك بس انا هخليك تعشجني بطريجتي يا واخد جلبي.. هعلمك كيف تحترم الست اللي روحها فيك وروحك فيها الحب من غير احترام ومراعيه بينجلب ذل وهوان وانا مش نعمات يا عزيز خلص اكده اتحمل بجه اللي هعمله لحد ما تتعلم يا جلب ورد كيف تسيطر علي حالك عشان خاطر حبيبك..
في مكان اخر كانت جليله تجلس في دار ابيها مذلوله مقهوره لتدخل عليها زوجه اخيها.. انت يا وليه ياللي اسمك جليله..
هتفت جليله...... عايزه ايه يا جمالات عالمسي..
هتفت.... خلصتي الوكل ونضفتي المجعد البراني عايزين نجعد شويه..
هتفت جليله.... ماعتش جادره انضف الدار عملتها كلها خلي حد من النسوان ينضفها..
هتفت جمالات.. وانت ياختي لازمتك ايه بنوكلوكي ومجعدينك يبقي تخدمي والا هتجعدي اكده بلوشي اوعي لحالك بجولك اهه لاخلي اخوكي يسخمط عيشتك..
شعرت جليله بالقهر والغل يغلي في قلبها لتصرخ جمالات.... همي يلا راجلي زمانه جاي مش كل مره هتنكدي علينا دا ايه الجرف اللي اتحدف علينا ده وتركتها وذهبت..
جلست جليله والقهر والغل يتلبسها لتهتف.. خلاص يا جليله كل يوم خدمه وذل وشتيمه واخواتك يجهروكي ما نسوانهم هيذلوكي وفرحانين بعد ما كتي ستهم وبتتمريسي عليه.. ماعادش ليكي حد حتي اولادك ما بيجوش يعبروكي كل ده عشان. يا مين يطولهالي كت كلتها بسناني.. اطولها ازاي الغل جوايا هيموتني ودي بتروح وتاجي وفرحانين بيها.. يا جهرك يا جليله جواتك ڼار ڼار جايده عايزه تاخدي بت صابر وتخرجي فيها نارك وغلك.. طب ايه هسيبها اكده تفرح واني جاعده في الحزن الاسود.. لاه لاه يمين بالله لاكون ممزعه جلبها بس ازاي أطولها ازاي واحرج جلبها.. فكري يا جليله فكري.. دماغي واجفه.. بس لاه ليكي يوم يا بت صابر اذلك كيف ما ذلتيني ليكي يوم...
منك لله وليه 
قلم ميفو السلطان