اشواك الورد ٢٤ ٢٥
واني تعبانه من الخدمه.. وياجي الليل لو مادلعتوش يسخمط عيشتي.. لو ماعملتش اكده يطين عيشتي..
هتفت زينات ....اسمعي كلامه وحاولي تحنني جلبه عليكي يا بتي مالناش حد عاد كلو نفض يده منك ولا لينا نشتكي.. مرري عيشتك يا بتي كيف امك بقت عيشه سواد في سواد.. لټنفجر جميله بالبكاء علي حالها وما وصلت اليه من ذل ولا احد يقف جنبها او يقف لها من اساسه من جراء ايديها لتكمل
في مكان اخر كانت جليله تعيش الذل علي اصوله فاهلها ليسو من عليه القوم ويعيشون في عيشه يخدمون انفسهم فبعد ان كانت سيده البيت اصبح يتحكم فيها نساء اخواتها فكانو يعيبونها ويجعلونها خدامه لهم لان جليله كانت تتجبر عليهم لتجلس بعد ان هلكت شغلا وذلا لتاكل نفسها. يا حزنك يا جليله عيشتي المرار وشفتي الذل يا بت حمدان وزوجك رماكي كيف الكلبه الكل ينهش فيكي.. وولادك هملوكي مايسالوش واصل كنت ست دار الهلاليه كبيره البلد كنت بتتحكمي كيف كيفك وعندك خدم وكيف ما تؤمري يجيلك لحدك.. ايه الجهر ده اكده يا وهدان ترميني اكده يابن جابر تطلعني من داري.. ھموت يا عالم جلبي بينحرج حرج.. هفضل عايشه اكده في المرار ده وهما ما رضينش يرجعوني ولا ادخلهم دار . كل ده ليه عشان بت المحروج اللي عايشه دلوك متهنيه انا انذل والواطيه دي تعلي وتعيش اكده وتبجي ست البلد..انا انطرد من داري. واسيب حالي وولادي ودي تدخل وتتهني هنا واهنه.. تخش الهلاليه يشيلوها علي راسهم والجباليه هتبجي ستهم.. يا جهرك يا جليله نعمات لافت عالواد اللي عشجتيه وخدته منك وجعدتي محصوره سنين وبتذلي فيها وتاخدي حجك تالت ومتلت والاخر بتها تعاود وتعمل فيكي اكده.. يذلوني عشان بت نععمات.. انطرد عشان بت نعمات.. يا حرجه جلبي نفسي اطولها اطلع روحا في يدي.. اطولك كيف دلوك يا ورد اجيب مصارينك كيف.. لاه والله ما يوحصل لاه يا ورد دانا جلبي انحرج من امك مره وما هيوحصلش تخرجيلي جلبي العمر كله لاه والله لاحسرك علي شبابك يا بت نعمات.. وهحسرك يا جابر يا هلالي عليها عشان تبجي تطرودني صوح.. بيت الهلاليه هينجلب بعد خروجك يا جليله جهر وحزن.. والله لانتجم واعرفكو كيف تطرودو جليله ستكو وتاج راسكو.. خلاص يا جليله هاتي جلبهم تحت رجلك. وخدي جلب ورد خلصي عليه ما هسيبكيش تتهني لحظه طول مانا عايشه.. ماشي يابت المحروج والله لاجهرك واجهر ابوكي وعيلتك كلياتها.. وساعتها هرتاح مش بت نعمات اللي تعيش وانا اجعد بجهرتي اكده لتقوم وتاخذ دهبها كله وتذهب به الي احد الرجال المعروف عنه بسوء الاخلاق.. كانت تداري وجهها لتدخل الي داره وتقول.. انت حربي صوح..
لتقول.. رايداك تاخد دول ورمت دهبها كله امامه لتلمع عينيه ويقول.. بس تعملي اللي رايداه
اقترب بسرعه واخذ الدهب وهتف.. جولي اللي تتمنيه وانا هجطعلك حالي عشان ارضيكي..
هتف.... رايداك تاخد روح بت من بناتنا بت عفشه ومعيوبه..
قطب جبينه اخد روحها وماله بس ليه مالهاش راجل ياخدو روحها..
وقف امامها... لاه لاه.. خلاص مين دي.
هتفت بغل.. ورد الهلالي اظن تسمع عنيها ورد المعيوبه..
قطب جبينه ....ورد المعيوبه اه خابر بس هيا مش اتجوزت عزيز الجبالي.
اسرعت..... اتجوزته عشان التار ويدارو الڤضيحه..
فكر قليلا.. بس عزيز مش هين يا ست الناس ودي مرته.
جلس الرجل يفكر ليقول .....ماشي
