الجامحه والبدوي ٨

..طب ايه.. اقول لسهيله.. لتنفض الفكره.. بت انت اكبري بقه هو ايه اللي اقول لسهيله ناقص تيجي ترضعك.. انت اقفيله ودبي صباعك في عنيه اه هعمل كده.. طب يا زفت الطين يانا يانت هنشوف..
في شركه سهيله.. استدعي صاحب الشركه سهيله.. لتدخل عليه ليبدا في الكلام ليقول تعالي يا سهيله لتجلس ويبدا في القول.. بصي انا عارف وواثق انك من احسن المصممين في الجرافيك والديزاين عشان كده لما شركه التركي عملت معانا عقد مالقيتش احسن منك انك تمسكي حمله الديزاين بتاعتهم دي لوحدها هتعلي رصيدك المهني.. الشغل عندهم لوحده مكسب ان شالله ماناخدش عليه فلوس.. لتبتسم هيا وتقول.. انا اتشرف بثقه حضرتك وانت عارفه اني هبذل كل الجهد واطلع احسن ما عندي عشان اخليه راضي عننا احنا برضه مش قليلين والمجد للتصميم مش اي حاجه في السوق..
ليبتسم الرجل.. احلي حاجه فيكي انك عارفه قيمتك وواثقه من نفسك.. ربنا يا بنتي يكملك بعقلك..طب انت اكيد عارفه العنوان خدي السواق تروحي تتفقي علي المخطط وطبعا هو هيوفرلكو مكان كبير واجهزه تشتغلو براحتكو هو الاول هيبقي الشغل هنا وجزء منه في فندقه في سيوه وجزء في فندقه في الغردقه.. وطبعا دول فنادق سبع نجوم يعني هنعوز شغل عالي.
لتقوم سهيله وتقول... اوك يا امجد بيه انا هروح دلوقتي واعرفك بالمستجدات كلها..
ذهبت سهيله وحضرت ادواتها لعلها تحتاج اليها وتركب العربه وتتجه الي شركه التركي للفندقه والسياحه وتدخل الشركه كانت مبهوره بتصميمات الشركه الجميله وفي كل مكان صور طبيعيه خلابه للفنادق والرحلات السياحيه لمختلف الاماكن  فهم شركه كبيره للفندقه وذو سمعه عاليه.
لتدخل سهيله الي السكرتيره لتجد احدي الفتيات كان مظهرها  كانها ذاهبه الي حفله وليس شركه كانت ملابسها ضيقه وتضع مكياجا عاليا.. لتنظر اليها سهيله وتهتف.. فيه ميعاد مع البيه ممكن تديله خبر..
لتهتف الفتاه.. مين ده عنده ميعاد معاكي انت ونظرت اليها الفتاه بسخريه واستحقار
ليتصاعد ڠضب سهيله.. مالها انا مش احسن من عروسه المولد با حبيبتي. 
لتهب الفتاه... ايه ده.. انت جايه منين احنا شركه محترمه. 
لتهتف سهيله... طب يا محترمه خش قولي للي معينك اني المهندسه سهيله بره واخلصي عشان مش فاضيه. 
لتقف الفتاه تمامها. تنظر اليها بحقاره .. اكنه مستنيكي انتي.. لا كتير ماقليش خالص ايه ده
لتستغفر سهيله.. يا بنتي انت محسساني اني داخله اخطڤ جوزك واخرج انت عقلك فين.. دا غلب ايه ده.. لتتنهد.. طب يلا يا شاطره خشي قولي للبيه اني موجوده واخلصي في يومك. 
لتهتف الفتاه... ايه اخلصي والبيه انت داخله شركه محترمه نقي كلامك مش من الشارع انت جايه منين انت وايه شاطره ددي.. شوفي انت بتكلمي مين واعرفي مقامك بشكلك الملخبط ده..
لتنظر سهيله للاسفل وتبتسم.. تصدقي انت تستحقي اللي هيجرالك وطلبتيها ونولتيها يا عروسه
المولد وهعرفك مقامي وشكلي اللي مش عجبك.
لتهجم عليها وتمسكها من شعرها لتصرخ الفتاه ولا تعرف ان تصد هجوم سهيله  وتبدا سهيله في ضربها بشده والغيظ ياكلها والفتاه تصرخ وتستغيث وفجاه احست سهيله انها تطير في السماء وتحس بقبضه رجوليه علي خصرها ټحتضنها من الخلف تبعدها عن الفتاه وهيا تشد الفتاه پعنف وكان هو يحملها بيد والاخري يحاول ان يبعدها عن الفتاه ليفك الاشتباك اخيرا ويشر للفتاه لتبتعد ويحمل سهيله  ويدخل بها المكتب وهيا تصرخ لكي يتركها لييغلق الباب ويتربسه ويدخل ويحدفها علي الكنبه لتخبط راسها في المقعد لتتاوه وتصرخ.. مش تحاسب يا حيوان ايه مشغلين بهايم عندكو كانت تنظر للاسفل وراسها يدوروتحس بان قلبها سيقف وانها ستشل من الصدمه  عندما ..
فين تعليقاتكو فين