روايه جديده لفاطمه عيد

دراعتها وتسمحله يحضنها يونس حضنها برقه واتنهد طال الوقت وهما على نفس الوضع دا يبعد يونس عنها بهدوء 
يونس هسيبك ترتاحى بقى وتاخدى شور من ريحتى المقرفه دى يضحك وهى كمان تضحك اشوفك بعدين 
تبتسمله ولسه هيخرج يرجعلها تانى ويقرب على ودنها ويهمس 
يونس شكلك مثير اوى والميه نازله على وشك كده كل حاجه فيكى بتشدنى شكلى هحبك ولا ايه 

يضحك وهى كمان تضحك ويسيبها ويخرج مجرد ما خرج من باب الحمام الضحكه اختفت من على وشه وابتسم باستهزاء وبينفض هدومه من الميه يخرج من الاوضه ويدخل اوضته ياخد شور وينام ديالا كمان خدت شور وطلعت على السرير لكن مش عارفه تنام بتفتكر قربه منها وكلامه وبتبتسم كانت بتترعب منه وفى لحظه حست بالامان فى حضنه ازاى قدر يغيرها كده كلامه بيرن فى خيالها وكل ما تفتكر تبتسم بكسوف وتضحك فضلت كده طول الليل لحد ما تعبت ونامت فى بيت صوفى امير حكالها على كل اللى حصل بينه وبين مراته وطلب منها تأجل اى نقاشات لانه تعبان ومحتاج ينام ودخل نام وفضل نايم كتير جدا وصوفى كل دا قاعده لوحدها وزهقانه قررت تقوم تصحيه تدخل الاوضه وتقرب عليه وتصحيه امير يقوم مخضوض 
امير بصوت نايم ومخضوض دنيا حصلها حاجه هى كويسه !!!!
صوفى تستغرب وتضايق فى نفس الوقت وامير يستوعب المكان حوليه ويقوم يفرك فى عينه بتعب ويسند على
حرف السرير 
صوفى مالك فى ايه !
امير كان حلم وحش بس 
صوفى احكيهولى 
امير فكك انا هقوم اروح المستشفى اشوفهم 
صوفى بضيق هو انت لحقت قعدت !
امير لازم اكون معاهم فى وقت زى دا كفايه انى مكنتش جمبها فى الولاده 
صوفى امممم ايوه فعلا لازم تكون جنبها وتاخد بالك منها ومتزعلهاش بقى عشان هى تعبانه اصلا اقولك هاتلها هديه لو مشغول انا ممكن انزل اجبلها هديه والفهالك وتديهالها ايه رأيك !
امير يبتسم انتى جميله اوى يا صوفى وبتحبى تفرحى الناس شكرا ليكى بس هى مش هتتراضى كده 
صوفى كنت عاوزه اساعد بس 
امير تسلميلى 
يقعدوا شويه ساكتين وبعدها امير يقوم يدخل الحمام ويسيبها تتحرج وتخرج من الاوضه وهى مضايقه من اهتمامه بمراته حتى وهو لسه صاحى ومش عارفه سر ضيقتها دى ايه شويه وامير يخرج ويسلم عليها وياخد حاجته وينزل وهى تقعد فى البيت بټلعن اللحظه اللى اتجوز فيها وانشغل عنها بالشكل دا يعدى الوقت ويوصل امير المستشفى ويطمن عليهم وبرضو دنيا بتتجنبه تماما تعدى الايام عليهم ومفيش اى جديد دنيا مازالت زعلانه من امير ومش عاوزه تتكلم معاه ويونس بيكلم ديالا ودايما بيضحك عليها بالكلام اللى بدأ يأسر قلبها وديالا قررت انها متقولش لنورين اى حاجه لانها هتبعدها عنه وهى ما صدقت تعيش فى حلم جميل زى دا فات اسبوعين وتخرج دنيا من المستشفى بعد الحاح كتير من منى انها تخرج لانها كانت رافضه بسبب ان البيبي هتفضل فى الحضانه وهى كانت عاوزه تكون جنبها لكن منى وعدتها انهم هيزورها كل يوم وصلوا البيت كانت حوالى الساعه 12بليل امير ودنيا ومنى ومحمد يدخلوا الجنينه ويرنوا الجرس ويفضلوا واقفين مستنين ان حد يفتح لكن محدش بيفتح الباب يرنوا كتير وبرضو مفيش حد 
منى هو مين اللى جوه !!
محمد ديالا ونورين ومش عارف فى حد من الولاد ولا لا 
امير طب نادى الامن يفتحلنا بالمفاتيح اللى معاه مش هنفضل واقفين كده كتير 
محمد يروح نادى الامن اللى جم وفتحولهم الباب ومشيوا البيت كان ضلمه كله على غير العاده امير يفتح النور يلاقوا الدور الاول هادى وفاضى تماما يطلعوا على السلم بتعب واول ما وصلوا الدور التانى يبصوا قدامهم ويتصدموا محمد يروح ينادى الامن اللى
جم وفتحولهم الباب ومشيوا البيت كان ضلمه كله على غير العاده امير يفتح النور يلاقوا الدور الاول هادى وفاضى تماما يطلعوا على السلم بتعب واول ما وصلوا الدور التانى يبصوا قدامهم ويتصدموا يلاقوا يونس شايل ديالا من على الارض وبيتجه للاوضه بتاعتها وهى بټعيط جامد محمد يقرب منه ويشده بعنفه لدرجه ان ديالا كانت هتقع 
محمد بزعيق انت بتعمل ااااايه 
يونس مازال شايل ديالا ويبصله ببرود 
يونس اتعورت فى رجلها كنت هوديها اوضتها وطلبتلها الدكتور 
محمد يبص على رجلها يلاقيها متعوره فعلا يوسعله الطريق يخليه يدخلها الاوضه ويدخلوا معاها 
منى اتعورتى ازاى 
ديالا تبص ليونس وتفتكر اللى حصل 
قبل ربع ساعه من وصولهم ديالا كانت فى المطبخ بتعمل لاتيه وواقفه قدام الكاتل ويدوب صبت الكوبايه ولسه هتمشى تحس بايد حد على وسطها تتخض جامد والكوبايه تقع على رجلها والازاز يتكسر وتتعور وكمان تتحرق يونس يتخض اول ما يلاقيها كده يتصل بالدكتور ويشيلها بسرعه ويطلع بيها وهى ټعيط جامد نرجع تانى 
ديالا بۏجع الكوبايه وقعت على رجلى 
منى تملس على شعرها مش تاخدى بالك بعد كده يا حبيبتى 
ديالا تسند راسها على صدرها وټعيط ومنى تضمها وتهديها وهما واقفين امير يقرب من دنيا 
امير ممكن تروحى الاوضه وترتاحى دلوقتى وهى هتكون بخير 
دنيا تتاجهله ومتردش عليه امير يتنرفز 
امير بغيظ انا بكلمك 
تبص قدامها بلا مبالاه ومتردش برضو امير جاب اخره منها يمسك ايدها جامد ويشدها على بره وكل اللى فى الاوضه مخدوش بالهم لانهم كانوا مشغولين بديالا امير ياخدها ويطلعوا اوضتهم ويقفل الباب ويبصلها ويبدأ يزعق 
امير بزعيق فى ايه لدا كله !!! اعتذرت بدل المره مليون المفروض اعمل ايه تانى سيادتك هتتكرمى وترضى عنى امتى !!!
دنيا لو سمحت انا مش حابه 
يقاطعها امير اللى قرب منها ومسكها من دراعتها پعنف 
امير ومازال بيزعق مفيش حاجه اسمها مش حابه مفهوم ! اقعدى واتكلمى وخلينا نخلص
دنيا تبصله بۏجع وصوتها كمان يعلى اتكلم اقول ايه يا امير هااا اقول انى كنت تعبانه وبموت وانت سايبنى ! انى بتصل بيك
وانت لاطعنى زى الكلبه وحتى مهمتكش !!! ومتتحججش والنبى وتقول مسمعتش عشان احنا مش هنضحك على بعض انا متأكده انك سمعت وشوفت ومطنش بمزاجك اقولك انى كنت ضعيفه ومحتاجه اى حد والۏجع بيشد ومحدش سامعنى !!!! اقولك ان يونس اخوك هو اللى لحقنى وشالنى وودانى المستشفى وكل اهلك كانوا جنبى وانت لا !!! وفى الاخر جاى بعد ما ولدت وفوقت والبنت دخلت الحضانه وكل حاجه خلصت وانت فى الاخر جاى تقول اصل مسمعتش والتلفون فصل شحن !!! كونك راجل مسئول وعندك التزمات هتنسى تلفونك فاصل اليوم كله انت بتضحك عليا ولا بتضحك على نفسك فاكرنى هبله وهصدقك زيهم انا مش مصدقاك ومش مطمنه وقلبى بيقولى ان فيه حاجه وواثقه ان الموضوع اكبر من انه شغل وانا مش هكدب احساسى وهصدقك فالافضل يا تقول الحقيقه يا متتكلمش من اصله 
امير بيسمعها بصمت وهى قدامه وبتوجهله اټهامات كتير وصوتها كان عالى جدا وكأنها بتطلع كل الطاقه اللى جواها فيه مش عارف يقول ايه مخه وقف عن التفكير هو شايفها پتنهار قدامه ومش عارف يهديها اتمنى لو يقدر يرجع بالزمن وميسيبهاش لحظه فى اللحظه دى محسش بنفسه غير وهو بيشدها بكل طاقته وكان متخيل انها هتبعد وتنفر منه اتفاجئ بيها بيها هى كمان وبتعيط اوى 
دنيا بصوت متقطع واڼهيار تام كنت عاوزاك جنبى مكنتش محتاجه غيرك متسيبنيش تانى كده 
امير دموعه خانته وقلبه وجعه على حبيبته وحس انه ظلمها اكتر مما كان متخيل 
امير مش هسيبك اسف والله اسف عمرى ما هسيبك ولا ههملك كده تانى ابدا سامحينى بس 
دنيا تبتسم من بين دموعها 
دنيا انا مش زعلانه منك انا بس كنت مضايقه من الموقف انا عمرى ما ازعل منك ابدا 
امير يبتسم ويملس على شعرها بحنان ويقعدوا على الكنبه تفضل فى حضنه وهو بيطبطب عليها وبيحاول يضحكها وهى تحس بامانه ولاول مره من اسبوعين تنام بعمق امير يشيلها ويحطها على السرير وينام جنبها وميبعدهاش من حضنه تلفونه يرن يبص يلاقيها صوفى يقفل التلفون وهى بتتصل ويحطه جنبه ويدفن راسه فى شعرها وينام هو كمان يعدى الوقت والدكتور جه وخيط لديالا الچرح واداها مسكن كلهم سابوها ترتاح ومنى ومحمد كمان يروحوا يناموا لانهم مرتاحوش طول اليوم شويه وديالا تلاقى الباب بيخبط 
ديالا ادخل 
يونس يدخل وهى لما تشوفه تبتسم هو كمان يبادلها الابتسامه 
يونس تخيلت انك زعلانه منى 
ديالا لا ابدا انت مكنتش تقصد انا بس اټخضيت فكرت حد غريب 
يونس امممم معنى كلامك انى مش غريب 
تبتسم بكسوف وتبص بعيد يقرب ويقعد جنبها 
يونس رجلك لسه وجعاكى !
ديالا لا بقيت احسن الحمدلله 
يونس ېلمس رجلها تتوجع وتبعد ايده بسرعه 
ديالا تضحك بس مش لدرجه تمسكها يعنى 
يونس بضحك يبقى لسه وجعاكى 
ديالا شويه 
لسه هيتكلم يقاطعه خبط الباب ديالا تتخض ويونس يروح يفتح الباب يلاقيها نورين تبصله بزهول وبتبص لاختها وتشاورله بمعنى بتعمل ايه هنا يونس يتجاهلها ويخرج من الاوضه وميردش عليها نورين تقرب على ديالا وتبصلها پغضب وتسألها بيعمل ايه 
ديالا بتوتر بتحاول تدرايه ك كان ب بيطمن على رجلى بس 
نورين تشاورلها بمعنى هو ماله بيكى 
ديالا عادى بقى هو اعتذر وخلاص فكك 
نورين تقولها خدى بالك هو مش كويس وشكله مش ناوى على خير 
ديالا تضحك مټخافيش عليا وبعدين انتى مش فاهماه بس معتقدش انه وحش اوى كده 
نورين تشاورلها وتقول اوحش مما تتخيلى وابعدى عنه 
ديالا اوك قدمتى على الكليه 
ديالا كانت قاصده تغير الموضوع لانها محبتش كلام نورين على يونس ومقتنعه انها متعرفوش عشان كده بتقول الكلام دا يقعدوا يتكلموا مع بعض فى مكان تانى بالتحديد فى المرسم بتاع مراد ومروان مروان واقف بيفرج واحده على لوح 
الحوار بالايطالى 
سيلينا قولتلى دى تكلفتها كام 
نقف لحظه سيلينا بنت جميله عندها 29 سنه بتشتغل مذيعه فى الاعلام الايطالى ايطاليه الاصل والمنشأ شعرها اصفر غامق وطوله متوسط عينها خضرا وبشرتها بيضه جدا وقصيره وجسمها كرفى ومظبوط نرجع تانى 
مروان بابتسامه الف يورو 
سيلينا اوكى هاخدها 
مروان تمام 
يشيل اللوحه ويغلفها ويديهالها 
سيلينا شكرا مراد 
مروان لا انا اخوه 
سيلينا اوووه شبه بعض اوى 
مروان دا ازاى دا !! انا احلى طبعا 
سيلينا بضحك اه اكيد 
مروان كمان يضحك سلينا
تمد ايدها وتسلم 
سيلينا سيلينا نشأت مذيعه 
مروان اتشرفت بيكى 
سيلينا انت متعرفنيش 
مروان مليش فى التلفزيون للاسف يبتسملها بس اكيد هنتعرف ولا ايه 
سيلينا تبادله الابتسامه اكيد 
تاخد اللوحه وتمشى ومروان يفضل متابعها لحد ما تمشى شويه ويجى مراد ويقعدوا سوا وفى وسط الكلام يسأله 
مروان انت تعرف واحده اسمها سيلينا 
مراد يبصله سيلينا نشأت هى جت !!
مروان ايوه 
مراد دى مذيعه وتعتبر من اهم الناس اللى بتيجى اوعى تكون استظرفت معاها وطفشتها كعادتك 
مروان يابنى انا لما بهزر معاهم بيجوا بعدها بخمس دقايق يعدل لياقه قميصه بغرور عيب عليك كلهم بيقعوا فى حبى 
مراد لا وانت الشهاده لله وسيم اوى يلا 
مروان فكك منى بس هى قد ايه