مريم

لأني شوفت فيكي أختي اللي ماما مخلفتهاش.
دخل السلام عليكم.
رفعت راسي ليه واټصدمت قامت رؤى خدت تقى ودخلوا وسابولنا المكان.
قعد بهدوء كنت مكتفي بإني أشوفك في الشركة حتى لو موافقتيش على جوازي منك بس حتى دي حرمتيني منها وقدمتي استقالتك نفسي أفهم بتهربي مني ليه
أنا مش بهرب.
لأ بتهربي يا مريم! لما أقولك إني لا حبيت قبلك ولا ناوي أحب بعدك وبرضو مصرة تبعدي فده هرب لما أكون اتقدمتلك فوق الخمس مرات منهم 4 رفضتيني من غير ما حتى تعرفي اسمي ده هرب لما أكون اتنازلت عن كبريائي ومكانتي كمدير للشركة وأمثل إني موظف بس علشان أقدر أفهمك عن قرب وبعد ده كله وتبعدي فده هرب.
كلامه كان صادق وقدر ېلمس قلبي بسهولة ويخليني أصدقه وخصوصا إن العيون عمرها ما بتقدر تكدب.
فاكر يا عبيدة قولتلي أي قولتلي الباطن غير الظاهر وأنت متعرفش حاجة عني ولا عن حياتي قبل كده.
وأنا ماليش الحق أحاسبك على حاجة مضت.
دموعي نزلت واتكلمت بلا وعي بس أنا مش قادرة أنسى مش قادرة أنسى اليوم اللي كنت راجعة فيه من الجامعة متأخر ورايحة السكن بتاعي وفيه واحد اټهجم عليا و... وخد مني أعز ما تملك أي بنت مش قادرة أنسى الليلة اللي نمت فيها وأنا ببكي بحړقة وكل جزء مني بيعلن انهياره وبيأن من الۏجع مش قادرة أنسى رؤى هي وبتقولي لقيناكي مرمية قدام السكن وهدومي كلها ډم وعرفوا من الدكتورة إني اتعرضت للاغتص..اب.
كانت ملامحه بتعبر عن صډمته من اللي سمعه وقبل ما أشوف الشفقة والرفض على وشه هربت وللمرة اللي معرفش هي كام.
أهلا بكم على أرض المدينة المنورة الرجاء التأكد من ربط أحزمة الأمان للاستعداد للهبوط.
أول نسمة هواء تلمس بشرتي وأول خطوة بخطيها على أرض المدينة وأول بق مية من زمزم وأول لمسة للكعبة الشريفة وأول صلاة في المسجد النبوي كلها أشياء لا تقدر.
جيتلك يارب وأنا كلي ذنوب وهموم جيتلك تغسلني من كل حاجة تمنع سعادتي وتبعدني عنك والنهاردة آخر يوم ليا هنا ومش عاوزاك تردني بدون ما تحققلي مطلبي.
صوته جه من ورايا وأنا جيت أطلبك من ربنا وحبيبه سيدنا النبي على أحب أرض والناس من كل أنحاء العالم بتقصدها.
لفيت ليه وأنا مش مصدقة وداني من اللي سمعته واتكلمت من وسط دموعي عبيدة!
كان لابس ملابس الإحرام واتخطى الناس اللي بيننا ووصل ووقف قدامي.
والله لو أعرف مين الشخص اللي كان سبب في تعاستك السنين دي كلها لأكون مخلص عليه بإيديا ولو كنت أعرفك من سنين مضت مكنتش سيبتك تحزني ولا تعاني وأنا لسة بتمناكي يا مريم يا ابنة عمران موافقة نبدأ حياتنا من هنا ونرجع مصر وتكوني على اسمي وحرمي المصون
رفعت راسي للسماء وأنا بحمد ربنا على عوضه وجبره ليا اللي عمره ما اتأخر وبعدين بصيت لعبيدة اطلبني من سيدنا النبي لأن والدي مش موجود علشان يآمنك عليا ويسلمني ليك.
ابتسم وهو بيقول هطلبك منه زوجة وابنة ليا.
رجعنا مصر مع بعض وعرفت من رؤى إنه لما عرف بسفري حجز أول طيارة بعدي وعرف مكان إقامتي وكان بينزل ورايا كل صبح وبيرجع بس لما أنا أرجع للفندق وكل ده وأنا محسيتش بيه وظهرلي بس في آخر يوم ليا في المدنية المنورة.
اهدوا يا جماعة هو بس تلاقي السيستم عليه ضغط.
عبيدة أنا هجرب من التليفون يمكن يفتح.
تقى بتوتر يارب يارب.
رؤى الموقع على اللاب مش محمل برضو.
مريم
اهدوا الموقع فتح .
كلهم اتخضوا واتلفوا حواليا وأنا اتكلمت بحذر هدخل رقم الجلوس دلوقتي.
تقى أنا خاېفة.
رؤى حضنتها كل اللي هيطلع هنرضى بيه وإحنا عارفين إنك مقصرتيش تمام
هزت راسها وغمضت عينيها وأنا صړخت عااا 93 يا تقى 93 يا روحي .
رؤى زغرطت وتقى سجدت وبدأت تبكي من الفرحة وباباها كان جه المطعم ومعاه مراته بعد ما كلمته وأول ما دخلوا راحوا حضنوا تقى واعتذرولها وأنا من فرحتي حضنت عبيدة.
باس فوق راسي بحبك يا مريم يا ابنة عمران يا حرمي المصون.
لفيت دراعي حوالين وسطه ورفعت راسي ليه بدون خجل وأنا الحب معرفش طريق قلبي غير لما قابلك يا زوجي المصون.
وعندما اسودت الدنيا في عيناي أرسلك الله جابرا لقلبي وأنيسا تأنس به الروح والنفس
.