بنت جولستان بقلم مشيره محمد 

كان الموال ديه مش لادد عليك خلاص انى ماعوزاشى حد 
سليم غمزلها وقال لاه هنچيبوا اللى تساعدك لچل ماتاخدى بالك منى شويه وتحنى علي احسن خلاص كنى چنيت من بعادك يام العيال 
عدى كام يوم وسند اتحسن والكل متجمع بعد رجعت سليم من شغله وسليم خد باله من راويه اللى ساكته ما بتتكلمش رايحه وجايه ووشها باين عليها التعب 
سليم مالك ياراويه فيكى ايه 
راويه مقدراشى دماغى هطرشج من قلة النوم 
سند خبر ايه ياسليم ماچيبتش لمرتك حد يساعها ليه كيف ماقولت 
سليم قولتلها تچيب اللى هى عيزاه ياابا حتى اسالها 
سند وهى مرتك بتروح ولا بتاچى لچل تشوف هيه هات اى واحده انت من حريم العمال اللى فى المزرعه ولا المعمل ولا حتى الانفار 
وسكت شويه فساله سليم 
مالك يابوى سكتت ليه وسرحت فى ايه 
سند شاديه البت شاديه ياسليم بت شاطره ولهلوبه وهتريح راويه 
روايه چت عليهم وهى بتقول مين دى اللى تريحنى يابا الحج 
سند سليم من بكره هيجيبلك بت من اللى بيشتغلوا فى معمل اللبن 
بعد كام يوم وف اوضة الحج سند راويه جايبه الداوء ليه 
راويه اتفضل يابا دواك انى خابره لو ما چبتهوش بيدى مهتخدوشى 
سند ضحك ههههه ايوه ماانتى فضيتى بقا 
روايه بزعل واه يابا الحچ اكده بردك لهو انى موخداشى بالى منيك عاد الله يسامحك 
سند بمراضيه لاه يا بتى ماقصديش بس يعنى اقصد اقول ان شاديه شالت عنيكى كتير بردك 
راويه ان چيت للحق هى شالت كتير بس معرفاشى مالها اكده مطيوره هبابه 
سند ضحك المهم انها تكون شايفه شغلها وواخده بالها منيكى ومن الدار لچل ماتاخدى بالك انتى منينا 
تانى يوم فى اوضة سليم الباب خبط ايوه مين
دخلت شاديه من غير ماتستنى الاذن وقالت انى شاديه ياسى سليم چيبالك الفطور 
سليم قام بسرعه من سريره فطور ايه ديه فى اوضة النوم ومين اذنلك تچيبه وكيف تدخلى اكده من اساسه من غير ما اذنلك 
شاديه بمسكنه حقك علي انى بس قلبى وچعنى عليك اكمنك يعنى چاى وخرى ليلة امبارح وهلكان قولت خليك مرتاح وانى اجيك الفطور لحديك 
سليم پحده كتر خيرك وماتتكرش نوبه تانيه ويلا خدى الوكل ديه وشيعيلى ستك راويه 
ردت بخبث الست راويه طلعت من بدرى ماخبراش لوين وقالتلى اسيبك نايم 
سليم بتفكير كلم نفسه راحت فين دى عالصبح اكده وكيف ما قالتليشى واتفاجئ بشاديه بتمسك ايده بميوعه تعالى اقعد كل لقمه من يدى ياسى سليم 
سليم زق اديها بت انتى غورى اطلعى من اهنه ورچليكى ما تچيش اهنه تانى 
سند قاعد واحفاده حواليه شاديه جت ومعاها الشاى الشاى ياحچ 
سند بصلها تسلم يدك بس مالك وشك مقلوب ليه كفالله الشړ 
شاديه نكرت اللى حصل وقالت سى سليم چهزتلو الفطور كيف الست راويه ما قالت وطلعت انادم عليه زعق فيا من غير سبب وزعطنى من الاوضه 
سند طيب معلهش حقك عليا انى ماتزعليشى 
سليم دخل اصباح الخير ياابوى
سند يسعد صباحك يا ولدى 
سليم راويه ما قلتلكش رايحه فين وكيف تطلع اكده من غير اذن 
سند واه كنك ناسى ولا ايه انهرده سنوية اخوها وهى قالتلك امبارح قدامى 
سليم بتذكر ايوه صوح يابوى انى نسيت طيب واجب بردك اروحلهم 
سند واجب يا ولدى و انى هروح بدالك لانو كنك نسيت معادك انهرده كمانى تستلم المعدات الچديده للمعمل 
سليم خبط راسه بايده ابااااى كيف راح عن بالى حاچه زى دى والله ماخابر مالى اليومين دول يلا انى قايم هغير خلجاتى وطالع وماتنساشى تخبر راويه والچماعه وتاخد بخاطرهم بدالى يابوى 
اخر النهار فى بيت سليم 
شاديه حمدالله على السلامة يا سى سليم 
سليم الله يسلمك ستك راويه مچاتش ولا ايه 
شاديه لاه ولا الحچ كمانى 
سليم طيب چهزيلى الوكل على ما اتسبح واغير خلجاتى 
شاديه عنيه تؤمرنى انى قلبى كان حاسس انك هتاجى لچل اكده عملت الوكل مع ان الست راويه قالت ماتعمليش 
سليم پحده طيب انچرى اعملى اللى قولتلك عليه 
غير هدومه وراح عالاكل اللى شاديه كانت بتحطه ولما قربت منه اتصنعت انها هتقع وفى لحظه بقت فى حضنه 
شاديه واه لمؤاخذه ياسى سليم اتكعبلت ڠصب عنى 
سليم حاول يطلعها من حضنه بس هى كلبشت فيه وبصتله شالله يخليك لي كل ما اقع القاك انت اللى تلحقنى وديه معناته كبير قوى حداى 
سليم بعصبيه بتخرفى يابت انتى ولا ايه بعدى اكده بلا قلة حى 
شاديه باصرار ودلع خبر ايه ياسليم انت ليه معتحسش بيا ليه قلبك قاسى اكده علي دانى ماشيفاش راچل غيرك ونفسى تبل ريقى بكلمه حلوه وانى اعيش خدامه تحت رجليك 
سليم زقها بقوه يابت المركوب ايه اللى عتقوليه ده هى حصلت لاكده كمانى 
شاديه بلهفه ووقاحه انى مش عچباك فى ايه قول وانى اعمل اللى انت عايزه انا عحبك ياسى سليم واتمنى التراب اللى تمشى عليه اتچوزنى اتجوزنى حتى لو فى السر انى موافقه بس اكون ليك واتهنى بشوفت راچل زيك
سليم مش مستوعب اللى بتقوله ومش عارف ياخد اى رد فعل ومره واحده مسكها من شعرها وقال لما دخلتى حداى من غير اذن قولت عيله ومفهماش حاچه ومفهماشى فى الاصول وما رديش اقطع عيشك من اهنه بس توصل للفچر وقلة الحيا يبقى تغورى فى داهيه ودى ارحملك من انى اقټلك واروح فى فاچر زيكى فى داهيه انتى من سكات اكده تاخدى بعضك وتلمى خلجاتك وتغورى من البلد كلاتها فااااااهمه ولا لاه 
شاديه پخوف حاضر حاضر 
مشيره محمد
ويعدى اسبوع على اختفاء شاديه من غير اسباب 
وفى بيت شاديه الباب خبط 
شاديه بذهول حچ سند اتفضل اتفضل ياحچ 
دخل سند وام شاديه رحبت بيه سند قعد وقال انى چاى لچل ما اسألك انتى مشيتى ليه من غير ماتعملى اعتبار لحد ولا عملتى حساب لكبير چيتك لچل ما افهم 
وهنا شاديه سرحت فى كلام امها اللى قالته ليها لما رجعت بعد اللى حصل ليها مع سليم وفكرت فيه 
فلاش باك
ام شاديه ينيلك يا مخبله انى قولتلك اصبرى عليه لما تتمكنى منيه فى يدك مش تتدلقى عليه اكده من اول نوبه يبقى فيها لحاله 
دلوك يفضحك وكل ترتبنا الايام اللى فاتت هيروح على الارض 
شاديه وانى كت اعرف منين انه هيصدنى اكده اشحال مامرته مواخداش بالها منيه وانى اللى بعمله كل حاچه وتحت رچليه 
جولستنا اكتمى دلوك خلينا نفكروا لو سليم قال اللى حوصل وفضحك
ه ننكروا ولا نعمل ايه وسكتت شويه وقالت استنى انى عرفت هنعملوا ايه ان كان قاله ولا لاه
يتبع
بنت جولستان
بقلمى مشيره محمد 
الثانى 
جولستان انى عرفت هنعملوا ايه ان كان قاله ولا لاه
باااااك
شاديه بمسكنه لما
فهمت من كلام سند ان سليم ماحكاش حاجه حقك علي خابره انى غلطانه بس صدقنى انى مشيت لچل خاطرك و لچل ما اللى چواتى مايفضحنيش انى ماصدقت ان الدار فضيت لچل ما اغادر من غير