صعيدي بقلم مريم منصور

بس بالعكس من جواك بتدرسي كل حاجه وعارفه أمتي تقفي وتطالبي بحقك وامتي تهدي الأمور وتخديها في صفك يعني كله بالمسايسة وشكلك ملكيش فيها يا قطة.
قالها بضحك فهزيت راسي 
فعلا بس سيبك القميص الأسود ده عسول عليك وجاي معايا سكه اكتر علشان مش بتعرف تحط فيه السجاير.
اتوترت للحظات من نظراته لكن أبتسمت ببلاهه

وفي حل بقي احسن انك تاكل بسماط بدالها كل ما تضايق تكلك واحدهأنا عايشه عليه اصلا هناك في السكن..
ضحك علي اقتراحي فكملت بصوت واطي
صح أنا ماشيه اخر الأسبوع.
اتنهد
عارف وماشيه المره دي وسايبالي عمي لوحدي.
ضحكت
ومعتقدش انه لما هيضايقك هتجري ټعيط زيي!
اتعدل ووقف قصادي
اهو العياط ده اتخلق لطاقة تفريغ معينه ومش حاجه وحشه بس لما يزيد ويبقي كل يوم كل يوم يبقي وحش ضعف يا قطه فاهمه!
رفعت كتفي
بس مش هقدر ابطله.
ومش عايزك تبطلي بس في حضڼي!
ردوده جاهزه وتلقائي أنا اتكسف ووشي يجيب الوان بصيت لبعيد عنه
طيب لف بقي وانزل علشان انا محروجه دلوقتي.
بعد وقعد علي الكرسي براحه ونبس
أنت اللي هتنزلي وعلي اوضتك علي طول ومتحتكيش بعمي.
حاضر.
قولتها بصوت واطي واتجهت انزل لكن قبل ما اخطي اول درجه وقفني بصوته
ايلول..
ألتفتت بأستغراب فأبتسم ببشاشه
شنطتك وانت بتجهزيها سيبي فيها مكان فاضي علشان جبتلك حاجات قولتي قبل كده انها لزماكي.
بيقولوا ياما الهوي غلاب لكن الحقيقه إن ورا الهوى رحمة ومودة ومواقف شهامه تثبت بأن القلوب الطيبه بتلاقي صاحبها بأسهل طريقه ممكنة.
حكاية بتبقي انت بطلها وتلاقي كل سطر بيوجدك ليها ويسرد المكحزنكضعفك في هيئه وحده بتعشها بس فجأه يتبعتلك نور قوي يشدكنور يمشي كل عتمة صابتك وتبقي شخص جديد متفائل نقي ومقبل علي الحياه.. 
غلاب بصحيح لكن الفة القلوب اقوي منه.
غمض عينك الاول!
شكلك بتتلككي ومش عايزه تنزلي بس اوكيه هغمض لو هتديني بو..
ن هرته بضيق طفيف
سيف متستعطبش واخلص! 
ساب دريسكون العربيه وغمض عينه بمضض
خلصنا اهو.
ابتسمت عليه وفي ثانيه اتنين خطفت ازازه البرفيوم بتاعته بسرعه ونزلت
خلاص فتح.
قولتها بعد ما قفلت الباب فبص لي بأستغراب
ايه ده حضرتك دي النتيجه النهائية
رفعت ايدي بالرفيوم قصاده
خدتها علشان ببقي عايزه اطمن وانا هنا لوحدي.
غمز
وتبقي لوحدك ليه رنيلي واجيلك علي طول.
عقدت حواجبي
وبعدين
رفع أكتافه
بس اعترفي أنك غشاشه أديتك الهودي بتاعي لأجل موسم التبادل بدأ وجبتلك تسالي بيعتني اللي ورايا واللي قدامي وفي الاخر تطمعي في البرفان!.
قولتلك عايزه اطمن!
ابتسم
خلاص يبقي تخديني معاك فوق أنا حاسس برضو إن شهر كتير.
ضحكت 
ياريت تيجي هستحملك عن وش العيال اللي فوق دي.
رد ببرائه
خلاص مش مسؤول لو لقتني جايلك خلسه في الليل!
ضحكت ورفعت برفيوم
لأ متجيش بقي معايا ده خلاص.
سكت لثواني وبعدها اتكلم بصوت رخيم
خلي بالك منه علشان غالي وخلي بالك من نفسك علشان أنت اغلي من اي حاجه في حياتي ويلا استودعك في أمان الله.
روتين الدراسه صعب والنزول والمجي والمراوح أصعب وبيهلك طاقة كبيرة منك بس طول ما فيه وجود أصحاب يخففوا عنا السكه بنستسهلها سوا لكن بيبقي فيه دايما صاحب واحد منهم وجوده فارق معاك.
قاعده مبلمه ليه!
سألوني البنات فرديت بضيق
سيف من امبارح مرنش علي.
ده علي اساس مش بقالكم اسبوعين واكلين دماغ بعض ودماغنا معاكم من الاتصالات والرغي.
اتنهدت
ايوه بحب ارغي معاه علشان هو صاحبي أما انتم كمالة عدد.
شهقوا
بقي كده يا ايلول ده احنا اللي هنلبسك الفستان مش هو!
رديت بمشاغبه
وهو اللي هلبسله الفستان مش أنتم!.
اتلهي مش لما يرن عليك.
ردت صاحبتي التانيه
أو مثلا يرد عليها.
الټفت بدهشه
ايه ده ثانيه عرفتي منين أنه مبيردش عليا! 
طبيعي خنقتك توحي لكده شوفي بقي ايه اللي شاغله وش بيرد.
ضيقت عيوني لثواني وقولت
تفتكروا..
ردوا بسرعه
ايوه نفتكر.
دي هتبقي ليلتة مش فايته معايا.
وقمت نتشت التليفون ودخلت الأوضه اهز في رجلي بضيق والتليفزن علي ودني ومن اول رنه رد بسعاده
وحشتيني.
صوتي أحتدت
انت مرنتش عليا ليه
ردت بتنهيد
معلش كنت مشغول.
ايوه وده يمنعك متسألش عني ولا حتي ترد عليا!!
كنت مهلوك وبرجع انام لدرجه مش قادر افتح مسدجات حد ولا غيره..
قاطعته بسرعه
بس انا ومكانتي عندك المفروض انها غير اي حد وتفضي بين مشاغلك وبيني مش عايزه طول الوقت بس خليك موجود او علي الأقل..
قاطعني بخفوت
أنا آسف..
فسكت أسمعه وهو بيكمل
ومعاك حق في كل كلمه بس ڠصب عني ودي كانت اول مره فسماح يا عم.
ابتسمت
وفين القطة
قطة ايه بقي علي الصوت العالي اللي حصل من شويه ده!
قلدت صوته
ما علشان اتنرفزت لما بتقولي مش قادر افتح مسدجات حد! مش قادر دي لأي إنسان بلا قيمه لكن أنا غير ده انت تقف تعظيم سلام لمسدجاتي ولو امكن النشيد الوطني بالمره.
ضحك
معاك حق بس ده يحصل لما متسبيش ودانك الحلوه لصحابك وتعومي علي عومهم.
ليه دول حتي اصحابي حبايبي ويشرفوني فأي حتي ووسام علي صدري و..
قفل التليفون في وشي!!
الحقېر! اللي مش جدع ومش مستحمل سيرة صحابي!
خرجت بضيق
بقولكم ايه انتم صح أنا هفكرش.
ضحكوا وشاورا علي صحابتنا الرابعه
تعالي انضمي ليها هتفركش برضو.
قربت بخضه وقعدت جانبها
يالهوي ليه يا الاء
البيه.. البيه طلع بيحب النوم اكتر مني.
لا إلاه إلا الله.
بصيتلي بتساؤل
وأنت هتفركشي ليه
البيه..البيه طلع بيجيله قلب يقفل في وشي.
طبطبت عليا
لا حول ولا قوه الا بالله بجد معلش إحنا نشوف رجاله غيرهم واهو السوق ماشي الحمدلله.
هزيت رأسي بفخر
اتس اوكيه جدا نشق طريقنا ونشوف غيرهم ده حتي البضاعة المباعة تستبدل.
باقي صحابي اتكلموا
بس مش بترد انت وهي يا حيلتها ويلا ورانا مذاكرة.
مكملتش نص ساعه مذاكرة علي بعض وشغاله بفرك بطريقه تضحك واكن المذاكره بعبع واول ما تليفوني رن لقطه بسرعه وقمت
جوزي بيرن مش قارده لازم ارد.
قولتها وانا شبه بجري للأوضه قبل ما حد يمكسني منهم واذاكر!
خير بترن بعد ما قفلت في وشي! 
سألني بجديه
بقولك إيه الشهر فات منه قد ايه
اسبوعين.
طب مش كفايهالبيت مضلم في الأسبوعين دول.
سألت بعنج
وزعلان
اوي اوي.
قالها بتأكيد فأبتسمت بأنتصار
قوله لأ علشان يبقي يقفل الخط في وشي.
وقفلت بمنتهي البرود والهدوء وبشوية قلق الصراحة لكن يكفيني شرف مجيب حقي.
أنت رايحه فين بقي كده
جاوبتهم وانا بظبط الشنطه
هرجع حاسه ان البلد وحشتني والبيت وحشني وأهلوا.
سألوا بمراوغه
اهلوا ولا سيف
اكذب عليكم يعني اكيد سيف.
قولتها ونزلت الشنطه من علي السرير
طب مش كده هيزعل عليك هو اللي بيجيبك ويروحك وفجأه تنزلي لوحدك
ابتسمت بتوتر
ما حلاوتها في مفجأتها وبعدين اكيد هيفرح إن كنسلت اخر اسبوع من الشهر ونزلت اشوفهم.
تشوفيهم ولا تشوفيه!
يوه بقي يا بنات أكيد هو.
الحب جميل والله وجميل اكتر لما الشوق يوديني بلاد ويجبني لعيونه..عيونه قصر مليان انتيكات واحب اكون انتيكت زمانه.
قاعد بيسلطن زي عوايده وعبد الحليم والكاست والليل بيكونوا أصحابه وشجن الصوت يسحرك..
أنا لك علي طول
خليك ليا
خد عين مني 
وطل عليا 
دندنته معاه سحرتني