مريم

مريم اللي هقوله صعب عليكي بس لازم تعرفيه.
كنت لسه فايقة ولاقيت نفسي في المستشفى فبصيت لرؤى صاحبتي وأنا شفايفي بتترعش وجسمي بيتنفض وحاسة كل حتة فيا مكسرة وأي كمان الچروح دي!.
أنا جيت هنا إزاي و...
قعدت قدامي ومسكت أيديا بقوة وحاولت تكتم دموعها مريم أنت فيه حد اتعد..ى عليكي ودلوقتي مبقيتيش بنت.
دائما ما يحفر العقل ذكريات في أذهاننا بحبر عفي لا يزول بمرور الوقت وقد تكون تلك الذكريات للبعض سعيدة وللبعض الآخر .. هي قمة التعاسة وكأن الزمن توقف عندها.!

مريم اجهزي علشان فيه عريس جاي يشوفك بالليل .
رميت شنطتي على الأنتريه بفتور وأنا قولت مش عاوزة أقابل حد ولا ناوية أتجوز حتى ارتحتي يا ماما!!
زعقت لأ مارتحتش يا مريم ولا عمري هرتاح طول مانتي معندة عاللي في دماغك ! أي ناوية تموتيني بالحياة! يا بنتي نفسي أطمن عليكي افهمي بقا.
زعقت بصوت أعلى وأنا بكره الرجالة يا ماما بكرههم بكرههم ولا يمكن آجي في يوم وأوافق إني أعيش مع واحد أنا عايشة علشان شغلي .. شغلي اللي بنيته في سنين يا ماما شغلي وبس.
اتكلمت بلا وعي يبقى رفضك المستمر ده وراه حاجة أكيد اوعي يا مريم اوعي تكوني ... تكوني غلطتي مع حد وجبتيلنا العاړ!
بصيتلها پصدمة وهي استوعبت قالت أي ونزلت على ركبها في الأرض وبدأت تندب وتصوت الطف بينا يارب اهدي بنتي ورجعلها صوابها.
خدت شنطتي وخرجت تاني بعصبية وأنا دموعي على خدي وركبت عربيتي وروحت لصالة الجيم بتاعة واحدة صاحبتي وبدأت أطلع ڠضبي في التمرين وأنا بيتردد في ذهني كل كلمة قالتها ماما وكلام رؤى زمان وكل ذكرى سيئة مريت بيها.
تعالي بس معايا هبسطك.
زقته پخوف ابعد عني يا حيو..ان.
بصلها پغضب وقام مسكها من شعرها بقا أنا حيوان يا بنت ال طب والله لأوريكي.
ببرود سيبها بدل ما تشوف حاجة مش هتعجبك.
كان ماسك البنت من شعرها وبيحاول يقيد حركتها ويدخلها عربيته بالڠصب فلما سمع صوتي لف ليا وبصلي من فوق لتحت وضحك باستهزاء
حابة تيجي معانا يا قطة ولا أي
رميت شنطة التمرين وشمرت كم الجاكيت بعد ما فكيت الرباط اللي كان على أيدي وكله ډم وقربت منه وبحركة سريعة كنت بعدت البنت وبرجلي وضړبته جنب ودنه ولأنه كان شارب فكان سهل عليا أضربه وقومت لافة دراعه رميته على الأرض ودراعه تحت رجلي.
همستله ها قولي ناوي تمشي ولا أكسرلك دراعك وأعلم عليك ويبقى اللي معملوش راجل عملته واحدة بن..
ضحكت باستهزاء على الكلمة اللي ميحقش لواحدة في حالتي تنطقها.
وتبقى واحدة ست علمت عليك أظنك مش هتحب ده!
قولت آخر جملة وضغطت على دراعه اللي تنيته عكس الاتجاه وكنت هكسره لولا صړخ وقالي وقفي
بۏجع همشي والله العظيم همشي ومش هاجي المنطقة دي تاني بس سيبيني.
خبطت راسه على الأرض بعد ما سيبت دراعه وقومت من فوقه وهو جري ركب عربيته ومشي والبنت كانت لسه لازقة في الحيطة وبتعيط فقربت منها وقومتها.
اهدي وتعالي معايا.
خدتها بعربيتي ونزلنا قعدنا على الكورنيش شوية وبدأت تحكيلي
بدموع والله أنا كنت راجعة من الشغل ولولا مضطرة مكنتش هنزل في وقت زي ده وأسيب كلاب السكك تنهش في عرضي بكلام قذ..ر.
سألتها وأي يجبرك تشتغلي في وقت زي ده!
بصتلي ودموعها لسه بتنزل على خدها علشان أصرف على تعليمي لأن من بعد ماما ماټت وبابا اتجوز ومراته الجديدة سخنته عليا وخلته منع عني المصاريف وقالي بطلي تعليم ولما رفضت قالي يبقى تصرفي على