مريم

نفسك فنزلت أدور على شغل لحد ما لقيت شغل في مطعم وبغسل الأطباق.
أنت عندك كام سنة!!
18 سنة وفي تالتة ثانوي السنة دي.
پصدمة إزاي! طب وامتحاناتك اللي خلاص هتدخل كمان شهر!
مانا بذاكر بس بالنهار لأني بشتغل بالليل يالهوي الوقت اتأخر وأنا لازم أروح بدل ما بابا يحلف ما ينزلني الشغل تاني.
طب استني ده رقمي هرن عليكي و نتقابل بكرة ويلا دلوقتي هروحك بعربيتي.
ليه
هشوفلك شغل أحسن من اللي بتشتغليه ومنه هتعرفي تركزي في دراستك والمرتب مضمون.
ابتسمت ومرة واحدة حضنتني أنت مش متخيلة أنت ساعدتيني إزاي ولا حميتيني وحميتي شرفي من إن كلاب الشوارع تنهش فيه.!
كلمتها وجعتني قد ما فرحتني وإني على الأقل قدرت أساعد حد لأني في يوم أنا فشلت أساعد نفسي وأدافع عن شرفي.
مريم!
أول ما سمعتني بدخل المفتاح في الشقة لقيتها جريت عليا وحضنتني أنا آسفة يا مريم يا بنتي حقك عليا أنا آسفة وصدقيني عمري ما هزعلك مني تاني أبدا ولو على موضوع الجواز أنا مش هفتحه معاكي تاني ولازم تعرفي إن أنا كل اللي يهمني سعادتك وبس.
حضنتها بقوة ودموعي نزلت من الۏجع وإني مش قادرة حتى أوصفلها أنا تعبانة قد أي ولا أي سبب تعبي طول السنين دي كلها وياترى كانت هتفهمني وتضمني ليها!
إزيك يا مريم.
تمام وأنت يا رؤى
الحمدلله بقولك أي عاوزين نتقابل ونتغدى مع بعض في يوم.
ماشي ظبطي وكلميني بس دلوقتي عندي شغل.
تمام ماشي.
افتكرت البنت اللي قولتلها هشوفلك شغل بقولك لو ينفع خليها بكره.
قفلت معاها وخبطت ودخلت وكان أول واحد هيتعمل معاه الانترفيو فقعدت على المكتب وبصيت في الملف بتاعه وبعدين رفعت عيني ليه.
ال CV بتاعك مش بطال وبالنسبة لخريج زيك هو جميل بس تقدر تديني سبب يخلينا نقبلك في الشركة عن غيرك
عدل ياقة قميصه بغرور لأن مؤهلاتي عالية ولو شركتكم مقبلتنيش فهقدم في شركة تاني غيرها.
بصيتله باستحقار وأنا لسة ماسكة الملف بتاعه بعدين قفلته ورميته قدامه براا
اټصدم وملامح وشه اتغيرت فكملت
أول قاعدة علشان توصل لمكانة بتتمناها أو شغل فلازم تحترم المكان اللي أنت فيه ومتتعالاش عليه.
بس أنا مؤهلاتي كويسة و...
تاني قاعدة قبل ما بنشغل موهبة فبنسعى نشغل ناس عندها من ال Soft Skills ما يكفي والأهم أنها تمتلك المقدرة على صنع حوار أخلاقي والتحدث بتواضع ودول حاجتين أنت فقدتهم من أول كلام ليك معايا.
خد الملف بتاعه ومشي ودخل المرشح التاني وقعد بعد ما سمحتله.
تختار تتعلم كل حاجة في حاجة واحدة ولا تتعلم حاجة واحدة من كل حاجة
ابتسم ورد الاتنين.
سألته باستغراب لسرعة جوابه وكأن السؤال مش جديد على مسمعه وكمان لإجابته
ممكن توضيح
يعني أنا بحب أتعلم كل حاجة عن حاجة واحدة طالما خاصة بمجالي فلازم أكون ملم بكل حاجة فيه وحاجة من كل حاجة بعيد عن مجالي وده للعلم بالشيء وكمعرفة عامة يعني .
تمام السؤال اللي بعده لو حصل وفي يوم الشركة احتاجتك في شغل مهم وفي نفس الوقت والدتك اتصلت وواقعة في مشكلة فهتختار أنهو جانب
من غير ما يرف ليه جفن لو كانت عايشة كنت هختارها هي لأن في الاساس الشغل هو وسيلة للعيش وليس غاية تخسرني أهلي ودنيتي طبعا بجانب إن الشغل مسئولية ولازم نرعاها فممكن قبل ما أمشي هكلف حد يقوم بالشغل مكاني عقبال ما أطمن على والدتي أو ممكن أستأذن المدير.
ولو المدير رفض وقالك