مريم

وأقرب مثال أنا.
يووه وقتها تعطلي ده!
محتاجة مساعدة
لأ شكرا.
مسكت تليفوني ولسة هشوف أوبر يوصلني البيت لقيته بياخد شنطتي مني وبيقولي الحقيني.
بعصبية يا أستاذ أنت .
لف واتكلم ببرود نعم !
شنطتي!
تعالي هوصلك.
هو أنا عيلة ولا أي! ثم أي قلة الذوق دي مش تستأذن الأول قبل ما تلمس حاجة مش تخصك
ابتسم ممكن يا أستاذة مريم أوصلك
ابتسمت بسخافة لأ.
وقفت تاكسي وسحبت شنطتي منه ومشيت وأنا بفكر إزاي موظف زيه وعنده عربية! بس يمكن تكون بتاعة باباه أو حد تبعه بس عربية BMW غريبة!.
مساء الخير يا ماما.
ابتسمت مساء النور يا حبيبتي.
عاملة أي
بخير ولله الحمد طمنيني عنك.
رميت نفسي على الأنتريه تعبانة وجعانة نووم.
طبطبت عليا طب قومي خدي دش دافي عقبال ما أجهزلك العشا وبعدين نامي.
اتنهدت باستسلام حاضر.
دخلت الحمام وخدت دش بعدين طلعت البلكونه سقيت زرع النعناع وأنا حاطة الهاند فري في وداني.
إزيك يا جاري يا جاري من زمان.
اتنفضت ورجعت لورا لقيته قدامي مېت من الضحك.
اهدي يا بنتي مشوفتيش عفريت يعني.
أي جابك هنا
ابتسم ببساطة القدر.
بتعمل أي في شقة جيراننا برضو
بقيت شقتي خلاص وهم باعوها.
....
ابتسم شكلك كيوت أوي بالسلوبتة و القطتين دول.
بصيت لنفسي ومرة واحدة جريت دخلت لجوا وأنا قلبي بيدق بسرعة وبصيت لنفسي في المراية وابتسمت لما افتكرت كلامه بس ابتسامتي تلاشت پغضب لما افتكرت إنه شافني كده.
صباح النور يا جارتي.
وقفت واتنهدت طب اسمع يا بني آدم أنت ملكش دعوة بيا ولا تكلمني ولا تطلع في طريقي وتتعامل ولا كأنك تعرفني تمام
بص في ساعته الشغل! لازم نلحق الشغل علشان الميتنج.
بصيتله الشغل يالهوي.
سبقني وقال اجرري.
بدأنا نجري أنا وهو فلقينا الأسانسير مشغول فخدناها جري على السلم لحد ما نفسنا اتقطع بعدين كل واحد خد عربيته وجري على الشركة.
طب يا جماعة هل حد عنده أسئلة
كان البشمندس ناقش المشروع الجديد ولما خلص وسأل كله قال لأ وبعدين الميتنج خلص والمدير طلب من عبيدة يستنى معاه.
بقولك أي!
نعم!
عاوزك تشتريلي هدية لبابا.
بصتله باستغراب مش فاهمة.
هو نازل مصر بكرة وعاوز أجبله هدية حلوة أي اللي مش مفهوم
واشمعنا أنا يعني
ذوقك حلو.
ده اللي هو عرفته إزاي
من اختيار كلماتك مش بيقولوا اختيار الكلمات المناسبة أناقة برضو!
ابتسمت للإطراء الجميل بتاعه ولوهلة قلبي فرح بعدين هو شاورلي لما ناخد البريك هجيلك ونروح نجيبها
هزيت راسي تمام.
هو أنا إزاي وافقت على كلامه بالسهولة دي! أنا مستحيل أروح معاه.
كنت واقفة قدام محل الساعات الرجالي وبدأت أكلمه طب ماتقولي هو بيحب أي
مش عارف مسألتش قبل كده
هو أنا قولت مستحيل أروح معاه يقطعني.
بصيتله بعدين اتكلمت لو كنت مكانك مكنتش ضيعت يوم بعيد عن بابا وكنت عرفت بيحب أي وبيكره أي و.... بس ربنا شاء يسترد أمانته قبل ما أشبع منه.
باعتذار مريم أنا...
تعالى هندخل نتفرج على الساعات دي.
سيبته ورايا ومسحت دمعة هربت مني كالعادة لما بتكلم عنه.
أنتيكات! الأنتيكات الكلاسيكية أكيد هيحبها مش أنت بتقول عنده بزار يا بني آدم!
أيوة والمعنى
يعني أكيد بيحب كل ماهو قديم وكلاسيكي.
ابتسم تصدقي في مرة لقيته فعلا بيلمع أنتيكة قديمة عنده وقالي أنه بيحبها وبيعتز بأنها بيملكها لأنه اشتراها من اليونان!
ابتسمت بابا كان بيحب الأنتيكات برضو.
ربنا يرحمه.
بصيت في الساعة البريك خلص لازم نرجع.
تمام بس ثواني.
شوية ورجع باتنين قهوة ليا وليه.
امسكي طلبتلك أوردر من ماك علشان عارف إنك لسه متغدتيش.
مش جعانة