مريم

يا الشركة يا والدتك
ابتسم بجانب بوقه والدتي متتحطش في مقارنة ولو اتحطت فهي هتفوز أكيد لأني هختارها هي.
حاجة تميزك عن غيرك
الصدق والأمانة في زمن كثر فيه الكذب والتزييف ودول حاجتين أظن أي شغل محتاجهم ولو ربنا شاء فهيبان ليكم ده في شغلي وإنه مش مجرد كلام.
قولتلي اسمك عبيدة!
ابتسم أيوة.
عرف عن نفسك.
قعد بطريقة كلاسيك لا هي غرور ولا تواضع بس من خلال ال Body Language تفهم إنه حد واثق من نفسه ومن مؤهلاته وثقته دي قادرة توصل للي قاعد قدامه
عبيدة عبد الله 30 سنة خريج هندسة من دبي وحاليا عايش في القاهرة خلال دراستي في الجامعة كنت مشارك في نشاطات طلابية كتيرة وكلهم مكتوبين في ال CV وكمان اشتركت في خدمات تطوعية بالإضافة إني اتدربت في شركات كتيرة واشتغلت في شركتين في دبي من أكبر الشركات وعندي مهارة ال Team Work وال Leadership والشغل عموما تحت أي ضغط .
قفلت ملفه بجدية بعد سماعه مبارك عليك الشغل يا بشمهندس عبيدة.
ابتسم الله يبارك فيكي يا أستاذة مريم.
هزيت راسي وبعدين استأذن وطلع وفكرني بنفسي زمان وأنا لسه بقدم على أول شغل.
وأنت يا أستاذة مريم أي يميزك عن غيرك
بصيتله بجدية أن حياتي الجاية هتبقى كلها للشغل وهو أول أولوياتي وأهمها ولذلك لو اتقبلت فهتلاحظوا ده في شغلي وإني مش بتهاون فيه.
ابتسم وأنا عاوز أنول شرف المتابعة على شغلك لذلك مبارك يا مريم عمران.
ابتسمت بفتور الله يبارك في حضرتك يا بشمهندس.
رجعت للحظة كانت تمثل البداية ليا وانطلاقة علشان أوصل للي وصلتله وإني أبقى مديرة الموارد البشرية.
مريم أنا مستنياكي في المطعم بتاعي.
تمام يا رؤى.
نزلت وروحتلها وشوفتها مع بنتها وعد اللي عمرها 6 سنوات.
شوفوا أنا جبت أي لأجمل وعد!
اتكلمت بذهول واوو يا خالتو مريم غزل بنات ومارشميلو.!
نزلت لمستواها وحضنتها شوفتي بحبك قد أي!
رؤى ابتسمت وحشتيني.
حضنتها وأنت كمان طمنيني جوزك عامل أي
كويس الحمد لله.
ومطعمك
كله تمام بس أنت طمنيني عنك!
أنا تمام.
اتنهدت طنط كلمتني وقالتلي اللي حصل بينكم.
بلامبالاة وبعدين
مريم هي معاها حق.
ضحكت باستهزاء أي حق
اتكلمت بحذر إنها تشوفك عروسة ومتهنية في بيت ووسط زوج وأولاد وعيلة.
خدت وعد على رجلي وطبطبت عليها وبصيت لرؤى ومين ده اللي هرضى إني أظلمه لأجل سعادتي ومن ثم هعيش معاه إزاي وأنا متعقدة من كل الرجالة!
اتنهدت بيأس من حديثنا اللي بيوصلنا لنفس النقطة كل مرة ولدايرة مقفولة بنلف ونرجع لنفس النقطة.
بقولك عاوزة أبعتلك واحدة تشغيلها معاكي.
ررى باستغراب واحدة مين
بنوتة في تالتة ثانوي وظروفها مش قد كده فشوفيلها حاجة عندك تكون خفيفة ولو المرتب اللي المفروض تاخده قليل قوليلي وأنا أكمله من عندي بس علشان وراها دروس ومصاريف.
وأهلها فين
محدش بيساعدها.
هزت راسها بتفهم خليها تجيلي المطعم وأنا هظبطلها الدنيا متقلقيش.
ابتسمت شكرا.
ابتسمت وبعدين قامت من مكانها قعدت على طرف الكرسي بتاعي وحضنتني أنا و وعد أنا بحبكم أوي.
بدأت أشوف عبيدة كذا مرة في الشركة ومرة في المطعم ومرة في الكافيه بس الغريبة إنه اتشهر في الشركة بسرعة والكل بقا يردد اسمه.
صباح الخير.
برسمية معهودة صباح النور.
عاملة أي
خدت قهوتي وطلعت من غير ما أرد عليه فجه ورايا.
مسألتنيش عن حالي ليه
وقفت وبعدين خدت بق قهوة وبصيتله من فوق لتحت شايفاك كويس فليه نسأل أسئلة مالهاش لازمة.
اللي ظاهر غير اللي باطن.
رماني بنظرته وقبلها جملته ومشي وخلاني اتهزيت في نفسي وهو عنده حق