سكريبت الصحبه الطيبه

إني مبقاش فيا قوة خلاص
وقعت على

حاولت أتكلم بس مقدرتش
خدتني لأوضتي وقعدت تهدي فيا لحد ما قدرت أتكلم وأقولها منال يا ماما منال ماټت
سكتت حوالى 5 دقايق وبعدين قالتلي
طيب إدعيلها بالرحمة يا حبيبتي دى سنة الحياة وكلنا لها إقريلها قرآن وتصدقي على روحها وخليكي انتى الصحبة الصالحة في دنيتها
قالتلى كدا وخلتني أقوم أتوضي عشان أصلي
صليت وقعدت أعيط كتير جدا وكل دمعه كانت بتنزل كنت برتاح أكتر كأن ربنا بيشيل كل الذنوب اللى عملتها بالدموع دي
غبت أسبوع ع الحال ده ومروحتش الكلية وكل تفكيري كان في منال وياترى هى مرتاحه دلوقتي
ياترى ربنا هيسامحها ع اللبس والميكاب وكل الحاجات اللى كانت بتعملها دي
دلوقتي عرفت قد ايه انا كنت غلطانه لما غيرت لبسي وعملت في نفسي كدا المۏت مبيستناش حد وكان ممكن أبقا مكانها ومعنديش فرصه إني أندم
قاطعني صوت الفون وهو بيرن
ألو
أيوا سلام عليكوا يا أخت غفران
مين معايا
أنا تسنيم معاكي في الكلية وحبيت أطمن عليكي انتى كويسة 
الحمد لله تمام
أنا جبت رقمك من سارة وحبيت أعزيكي في منال البقاء لله
تسلمي
غفران كنت حابه أتكلم معاكي في حاجه ممكن أشوفك 
أكيد طبعا
طيب ممكن نتقابل بكره في الكلية الساعه 8
إن شاء الله
قفلت معاها وانا حاسه براحه غريبة من صوتها رغم انى كنت بفكر كتير جدا
ايه اللى ممكن تقولهولى بنت أنا معرفهاش 
وتقريبا طول اليوم كان كل تفكيري في كدا
و عدي اليوم على خير
ونزلت تاني يوم بلبسي القديم
واستنيت تسنيم جمب باب الكلية
ازيك أنا تسنيم
ببص لقيتها نفس البنت المنتقبة اللى شوفتها قبل كدا وكانت عاوزه تكلمني
الحمد لله انا كويسة
طيب تعالى نقعد عشان نعرف نتكلم
قعدنا في مكان بعيد لوحدنا بعيد عن الدوشة
تعرفي انك لفتي انتباهي في أول يوم في الكلية 
مش فاهمه ازاى 
لما لقيتك قاعده مع منال كنت حاسه انك هتتغيري وكنت حابه أجي وأقولك تبعدي عنها بس ملقتش فرصه
واستغربت جدا لما لاقيتك

من تاني يوم اتغيرتي فعلا أنا عارفه إنك زعلانه جدا على منال وصدقيني وانا كمان زعلت وكل يوم بدعيلها ربنا يرحمها
بس أنا محبتش إني أشوفك بتضيعي بسببها وتكوني سبب في عڈابها يا غفران
ممكن ربنا سبحانه وتعالى كان بيبعتلك رساله على هيئة مۏتها ان محدش باقي ومسيرنا يوم هنلاقي نفس المصير
ودا اللى أنا اتأكدت منه يا تسنيم صدقيني أنا حابه أتغير بس مش عارفه ازاى
مټخافيش أنا معاكي وهبقا جمبك وهساعدك ان شاء الله
اول ما قالتلى كدا لقيت نفسي تلقائى بعيط
قربت منى وخدتني في حضنها وقالتلى اتأكدي كمان ان ربنا بيحبك يا غفران لأن الله إذا أحب عبدا وأراد رجوعه إبتلاه
زودت في العياط أكتر وقولتلها بس أنا عملت حاجات غلط اوى يا تسنيم
بس أهم حاجه انك ندمانه عليها ربنا سبحانه وتعالى بيقول عبدي لو بلغت ذنوبك عنان السماء ثم استغفرتني غفرت
لك ولا أبالي استغفرى يا حبيبتي ان الله يمحي الذنوب جميعا
كانت أول مرة في حياتي أحس بمعني الصحبة الصالحة فعلا
تسنيم كانت معايا وجمبي دايما زي ما قالتلي
وكمان بقا لبسي كله عبارة عن ادناء وخمار
حكتلها عن أدهم وعن اللى عملته عشان أوصله
قالتلي ربنا سبحانه وتعالي كاتبلك نصيبك يا غفران ودا يخليكي مرتاحه جدا ومش مضطرة تعملي أي حاجه هو بيدبر كل حاجه من عنده ولو كاتبلك الخير فيه هيبقا من نصيبك
ولو وجوده هيبقا شړ ليكى وربنا صرفه عنك فقولى الحمد لله الذي صرف عني شړ ما قضي وهو بي أرحم الراحمين 
بس أهم حاجه متفكريش وتغضي بصرك وهو هيوفقك في كل حاجه
كانت كل اما تكلمني وتنصحني بحاجه حياتي تتغير 180 درجة
أقنعتني بالنقاب وقد إيه هو جميل وستر لينا
ومترددتش ولا لثانيه إني ألبسه إبتغاء مرضاه الله
عرفتني معني اني لما أعوز حاجه في طريقه أحسن من اني اغير من نفسي وهي اني أقرا سورة البقرة وأدعي في قيام الليل لأن الدعاء وقتها لا يرد
أنا صبرت سنتين وهي معايا بتشجعني على كل طاعة
واقتنعت ان ربنا كاتبلي الخير سواء كان أدهم معايا ولا
لأ
ويشاء القدر انه يبقا معايا فعلا
وبعد ما اتجوزنا
عرفت انه كان ملاحظني من الثانوي وان هو كمان كان بيحبني
بس كان بيحاول يغض بصره ويتقي ربنا فيا عشان أبقا من نصيبه في الحلال
قالي عن شعوره لما شافني باللبس القصير وقد ايه هو اتدايق
وقالى كمان قد ايه هو فرح لما شافني لابسه واسع تاني وإن فرحته اتضاعفت لما عرف اني لبست النقاب
وانه كان بيدعي ربنا كل ليله انه يرزقه بيا
عرفت وقتها إني مكنش لازم أعمل أي حاجه مش لازم أستعجل وكمان مش لازم أغضب ربنا عشان أي حاجه أو أي حد ..
انا مش عارفه أقول ايه ولا أشكر ربنا ازاى
أنا لحد دلوقتي بعد 3 سنين
بدعي كل يوم لمنال ان ربنا يرحمها ويخفف عنها يوم الحشر ويعفو عن زلاتها ومستحيل انساها بطلعلها صدقة كل يوم وفكراها دايما
ومستحيل بردوا أنسي تسنيم اللى ربنا بعتهالى عشان تنورلي حياتي وفعلا إتأكدت إن مرافقة الصالحين تصلحك ولو بعد حين 
إن الرفاق للرفاق قلوب فالقلوب متي صفت متي امتلئت بنور الله كنتم صحبة صالحة